Popular Bible Verses from Matews 11

Share

Ayteke ig awna akiw: — Aytninabay numkanit, yis ku pariye yuma kit, yis mpiksewnevwi ke pahavwibe hiyuhwene awika mpiy gidatni. Ba yi ayta mayuwasa yihihwan nutuh. Nah keh yis mayak ta nuvitit.

Wewnabay pahemteke nukakuh kewa piyana pakbe dahaka gibitamnakis akak pahat ah adahan kahkiska awika gitkis. Kannuhwanabay nutuh. Mmanawa nah kibeyne hiyeg, nah tuwatasewne hiyeg, nah ikaw warikapte giwkis madikte hiyeg. Ku yis kannuhwa hene nutuh, nikwe yis uti mayaka abet yihiyekemninek.

Ku pahavwi wew pahemteke nukakuh, igi ka mpiksaw mpinevevyema akiw. Hagehege gihiyan.

Ayteke ig awna ta gitkis hiyeg ayge. Giwn: Ig Wigwiy kuwis ekke nutuh madikte gihiyekemni. Yuma hiyeg nuhiyekten nah Uhokri gikamkayh. Ignewa Wigwiy ig pahapo nuhiyekten. Hawata akiw yuma hiyeg gihiyekten Wigwiy. Nahnewa gikamkayh gihiyekten. Ku karit nah muwaka akkig, ignesnewa hawata hiyakgi.

Igme Kiyavwiye Jesus kaytwa giwnkis: — Ataknabay akka git Joawh Batista ini annut ku pariye yis timap yis hiyap ku avim inin. Yis hiyap motavye hiyap, miyavuvye wew. Yis hiyap axpusakare avit busukne miypit, mataybavye timap, miyaravye kannikaw. Yis hiyap neras ku pariye kane hiyak kabayka, ku avim inin igkis ekkepka kabayka gitkis.

Yis ku pariye katayebnene, ataybiswanabay nutuh. Ihanabay inakni nuwnuh. Henewatbaki ig ke amekene Eliyasbe.