Popular Bible Verses from Matews 10

Share

— Nah yawahkisten gibetitkis hiyeg ke wotbe nah awahkiswiyebe muwtoh ta gibetitkis axtigiviyenebe. Nikwe misakwanabay ahegbetnenekwa gavitkis hiyeg ke pahavwi kaybunebe ig ahegbetnenekwa adahan hiyeg ka sibuhgi. Heneme ikawnabay tuwatavye ayge gibetkis ke pahavu tukwabe.

Ku pahavwi ka miniwkere ariw gihiyekemni amadgaya inin, igi biyuk akak gaymahwannek giwntak Kiyavwiye Uhokri. Henneme ku pahavwi miniw ariw gihiyekemni amadgaya inin nudahan, igi darih gaymahwan giwntak Kiyavwiye Uhokri adahan avanenekwa.

Ka yi muwaka avis gibohrikis neras ku pariye umehpiye yivit, yitipme igkis ka hiya ariwmhak. Heneme avisnay gibohri Uhokri ku pariye kadahan gidatni adahan umah yivit. Ig kadahanata gidatni adahan ig umah yitip aynte amun ini iwetrit ku kiney kane aynsima kayahwaki. Avisnay gibohri igi.

Amawka ku nuhiyegavu umahkis gihiyekemnikis amedgene inin ke wotbe igkis daddahkiswinbe ta aminat ahbe, igkis ka ik adahan igkis keh nibetki akiw. Ku pahavwi ka umahkis gihiyekemni hene hawata ke nahbe, igi ka kis adahan ig kanumwa ku ig nuhiyega.

— Ku pariye hiyeg kinetihwene numinuh ta gitkis hiyeg ay amadga inin, aysawnemenek nah kinetihwa giminkis hawata ta git Wigwiy aynte inurik. Heneme ku pahavwi wihwe nuwhu ay gimunkis hiyeg amadga inin, nah hawata aysawnemenek nah wihwe giwnek aynte inurik gimun Wigwiy.

Makniwanabay hiyeg kakahribdavye. Kannikasanabay hiyeg miyaravye. Makniwanabay hiyeg axpusakare avit busukne. Pekkisnabay wavitye givititakkis hiyeg. Nah ikene ini yannu he nukannenwa yuma atiwni. Kuri yisme amnih hiyeg hawata yuma atiwni.

Ka yi muwaka avis. Wixwiy pi kavigte git Uhokri mpiy madikte kuhivra. Ig avuriwiy hawata.

— Ka yi muwaka ikiy ku nah ayta adahan kehne madikte hiyeg amadga inin pasamrak pawtak avim inin. Kawa. Nah ayta adahan kehne hiyeg kerye yikaknek nuvatra.