Popular Bible Verses from Tiyagu 5

Share

Nikwe akkanabay yitaraksan pawtak. Piriyepkawnabay adahan ayavekne pawtak kahadbe yis makniw. Ku pahavwi hiyeg waditye piriyepkaw avititakwa giyakni, ini giviryepkawni ka aynsima nudatni adahan kehne annut.

Ku pahavwi hiyepne mbeyne, in kabay adahan ig piriyepkaw. Ku pahavwi batekye gimin, in kabay adahan ig pak avat adahan kibeyhene Kiyavwiye Uhokri.

Ku samah igkis piriyepkaw akak madikte gikamaxwankis, ini makniwa ner kakahriye. Kiyavwiye Uhokri kannikasignek. Ku ig pahavwi kuwis tarakse, ig Kiyavwiye Uhokri bayahminig ariw ini gitaraksanek.

Ku pahavwi kakahrip in kabay adahan ig watihpa neras ku pariye giwewkistenkis Jesus gihiyegavu adahan igkis ayta git. Igkisme danuh atere, igkis piriyepkaw givitit, igkis imihig giwavrik Kiyavwiye Uhokri akak ah ariw ariy.

ayge nikwe ner ku pariye gayavetni ner pahavwi taraksevye adahan igme miniw ariw gitaraksan akiw, amun ini nikwe ig ke wotbe ig gikidsetnibe ariw miyaka mmanawa ig bayahminasig git Kiyavwiye Uhokri ariw ka aynsima taraksaki.