Popular Bible Verses from Tiyagu 4

Share

Nikwe kumadukasawnabay git Kiyavwiye Uhokrinen. Ka yi muwaka iki iwetrit git wavitye gikivarakis ay abet yihiyekemni. Ku yis ka iki iwetrit git, ayge nikwe ig tivik yiw.

Waxwanabay yihiyekemni git Kiyavwiye Uhokri. Ayge nikwe ig danukwa yihumwat kennesawa. Yis ku pariye kuwis patahwavye, miniwvinabay ariw yivathawni. Ka ba yi daykis yiwak arit patahwaki akiw. Yis pivutnemnene yihiyekemni, iwinabay pahatwowa yihiyekemni.

Tuwatasawnabay gitivut Kiyavwiye Uhokri. Ayge nikwe ig iki yawayginek akak yikiytani.

Ig Kiyavwiye Uhokri Gitip detye adahan ikene wawaygiy ka aynsima adahan wixwiy ka iha ku pariye uvitwiy gayapni wotwiy. Inneki keh Uhokri gannasan awna: “Kiyavwiye Uhokri suguh neras ku pariye kane kumadukasewkere git. Heneme ig iki gawaygikis neras ku pariye tuwatasewviye gitivut.

Hiyapnabay nikwe. Nah kuwis akki yit ku pariye kabay adahan wixwiy keh. Ku wixwiy hiyak ku pariye kabay adahan wixwiy keh, heneme ku wixwiy ka keh hene, nikwe in patahwaki udahanwiy.

Nawenetke wis ayapni git Kiyavwiye Uhokri heneme wis ka uti ku pariye wayapni git. Wis ka uti awaku wis ka aya git akakma gidahanma gihiyekemni. Wis aya arikna git henenwa adahan wis kehne ubetkinen nikak.

Yis ku pariye yihiyekemni hene amun ini yis ikewne kewa pahavu tinobe ku pariye mayte gugihgi adahan eg hamah gikak pahavwiwa akiw ku pariye gugihgi givetunya. Ku pahavwi darihwekne akak inin hawkri abetki, nikwe ka hiya igma darihwak gikak Kiyavwiye Uhokri. Ku ig kaniy adahan ig darihwak akak inin hawkri abetki, nikwe ig humaw Kiyavwiye Uhokri givetunya.

Ka hiya wixwiyma awna inakni hene, mmanawa wixwiy ka hiyak ku pariye danuhne wotwiy takuwanek. Udehetniwiy ay amadga inin in matkusa, in aynesa ke huwegbe. Kuwewanek in sagehwe madikte.