Popular Bible Verses from Ebrews 13

Share

Ka yi muwaka ikaw kowtyakuvyema aharit karukri. Bateknay akak ku pariye kuwis ay yiwaku. Mmanawa Kiyavwiye Uhokri awna wotwiy: “Nah kuwis pidahan. Nah ka ikispiti. Nah ka miniwbetawti piw.”

Ig Jesus Cristo ku samah ig minikwak, ig hawata kuri avim inin, ig hawata adahan avanenekwa akiw. Aterenewa wixwiy kannuhwa kamaxwa givitit ke igkisbe.

Inakni iwit iki wawaygiy adahan wixwiy awnene: “Nah hiyak ku Kiyavwiye Uhokri ay nukakuh, inneki keh nah ka avis gibohrikis hiyeg. Igkis ka hiya nusamanak.”

Hawata akiw ka yi muwaka miyeh adahan yis keh kabayka pawtak adahan yis amnihak pawtak. Ku wixwiy keh hene, in hawata humaw ke ukanwiybe git Kiyavwiye Uhokri. In keh ig batek ka aynsima.

Nikwe uyay danukwa kennesa git Kiyavwiye Uhokri givitimpi Kiyavwiye Jesus. Uyay ka muwaka akka puwikne givetunat. Uyay he kabayhig adahan avanenekwa. Uyay woka ubiywiy adahan wixwiy awnanenekwa “kibeyne” git. Ku wixwiy keh hene, in humaw kewa ukanwiybe git Kiyavwiye Uhokri.

Kiyathanabay yimaryesa. Ka yi muwaka arewhatak pawtak. Kiyavwiye Uhokri hiyapkis mbeynenek gitkis neras ku pariye mahayakemnavye ku pariye powkemnavye.

Kaba yi miniwbetaw ariw ini adahan yis amava hiyeg kabayntiwa yivinekut. Gaytakis hiyeg igkis keh hene igkis amava ahj givinekutkis heneme igkis ka hiyakwa ku aysaw.

Nah piriyepkaw yidahan git Kiyavwiye Uhokri ku pariye kariswehsevye uyakni, ku pariye kannikase Ukivarawiy Jesus ariw gimiremni. Ig Kiyavwiye Jesus ukavriwtenwiy hawata ku samah pahavwi muwtohvutne kibeynewatbe ig avuriw givigvu kabayntiwa he ig umahkiswa adahan gamnihtenkis. Kibeyne, ku samah ig sukase gimig in keh Kiyavwiye Uhokri gahegbetawni ukakwiy humaw adahan avanenekwa. Nah aya git Kiyavwiye Uhokri adahan ig iki yit madikte ini kabayka ku pariye muwekne yit adahan yis kehne Kiyavwiye Uhokri gibetki. Nah aya git adahan ig keh wixwiy wageswa avigkutavrik ku samah gimawkan givitimpi Kiyavwiye Jesus Cristo ku pariye kane gikiytanisima adahan avanenekwa. Ameh.