Popular Bible Verses from Ebrews 1

Share

Ig gikamkayh kivun akak Uhokri gihiyekemni ku pariye kane nikiytanisima. Ignewa kahayaksa wotwiy igyewa Kiyavwiye Uhokri amadga inin. Ig wewkis inin hawkri he akak giwnnenwa. Giwn ka nidatnisima. Minikwak ig sagahptewiy ariw utaraksanwiy. Pisenwa ig batahkiswe adahan ig kumadukene gihumwa Ukivarawiy detye aynte inurik, ay amun ini iwetrit ku pariye kane nikiytanisima kihehaptak.

Minikwak Kiyavwiye Uhokri wasavanew giminkis amekenegben gibiyrikkis gawnevevu. Igwa Kiyavwiye Uhokri awnene givititakis. Ig akki aritnanyuvwi ku samah gihiyekemni. Ig akkin akak arakembet areketni adahan ekkene ku samah gihiyekemni. Kurime amaksemni hawkri ig wasavanaw uminwiy gibiyrik igyewa gikamkayh. Igwa Kiyavwiye Uhokri ay givit ig ekkene ku samah inyewa Uhokri gihiyekemni. Ig gikamkayh ka aynsima gikiytani. Madikte ku pariye Kiyavwiye Uhokri gidahan in gidahanwata gikamkayh. Henewa ig Kiyavwiye Uhokri gimawkan. Ig Kiyavwiye Uhokri kehkis inin hawkri git ner gikamkayh.

Nah akkamnihte yit ku samahpa ahj. Igkis Kiyavwiye Uhokri gibukvig yuma givitkis kema hiyegma amadgayavuma inin. Ig Kiyavwiye Uhokri awahkisgikis adahan gayavetnikis neras ku pariye amnihkavu gavit Kiyavwiye Uhokri.

Hawata akiw in awna: — Kiyavwiye, pitatye akavuska hawkri pis kehe waxri humaw, hawata akakwa piwak, pis kehe en. Aysawnemenek waxri akak en in biyukenek. Pismeti dahwanek adahan avanenekwa. Aysawnemenek waxri akak en in mugumgupnek ke kamisbe.