Popular Bible Verses from Ebrews 2

Share

Ig kuwis mpiya abetiw mbeyne amadga inin, adahan ig hikekka adahan ba ig taraksa, heneme ig mpiyasemni. Inneki keh ig hiya asamanak adahan parak abet uhawkanwiy wixwiy ku pariye hawata hikekka adahan ba wixwiy taraksa.

Ku samah wixwiy gikebyuvwi wixwiy ihtikekne, nikwe ig Kiyavwiye Jesus kinagsaw, ig wageswe ihtikekne hawata ke wixwiybe. Ku samah ig ihtikekne, ig ik adahan ig umahkiswa. Abetimpi ini ku samah ig umahkiswe ig pisenwe akak gidatni ner wavitye gikivarakis, ku pariye atiwkekne miyaka.

Kiyavwiye Uhokri gikamkayh ka gikiytanisima. Amawka nikwe ku wis kiyenenekwa inakni inetit gimin ku pariye kuwisnene ekkepka wot ku nawenetke wis miyehpig. Ku wis miyehpig, wis humaw ke pahamku umuhbe ku pariye ka wanak kabayntiwatma eg bohpika avit amiyan.

Adahanikwa ini ig wageswa ihtikekne hawata ke wixwiy gikebyuvwibe. Pugamawka ig keh hene kahadbe ig humaw kibeyne awnamnihkevutne udahanwiy git Kiyavwiye Uhokri. Ku samah ig wageswa ihtikekne nikwe ig ka aynsima kayahte udahanwiy. Awaku ini ig humaw kibeyne awnamnihkevutne wowtrikwiy wixwiy hiyeg. Ig hawata humaw kibeyne awnamnihkevutne giwtrik Kiyavwiye Uhokri awaku ig keh Kiyavwiye Uhokri gibetki. Ig wadithebdih uhawkanwiy gikak Kiyavwiye Uhokri akak ku samah ig katiwnihe utaraksanwiy gikak.

Heneme kibeyne, wixwiy kuwis hiyap Kiyavwiye Jesus. Ig ikaw aynesa warikapte giwkis ahj mmanawa ig wageswe ihtikekne kahadbe ig umahkiswene gidukwenavrikkis hiyeg. Heneme kuri ig Kiyavwiye Uhokri iki git Kiyavwiye Jesus ka aynsima gidatni, ka aynsima gikiytani awaku ku samah ig umahkiswe udahanwiy. Henewa, ig Kiyavwiye Uhokri gabay keh ig Kiyavwiye Jesus kayah miyaka gidahankis mpuse hiyeg.