Popular Bible Verses from 2 Tesalonisenses 2

Share

Ka yi muwaka kinikiswa arit nawenyewatma iwit akiw. Kote ikte adahan Kiyavwiye Jesus danuh atan adahan pisenwevye akak inin hawkri. Amawka avit ig keh hene, amawka ayipa gihiyegavu gitepkemnikis aytakihan. Ayteke ariwntak ini pahavwi awayg kahayaknek. Ig atiwkekne taraksaki. Ig ikaksaka adahanikwa biyukwiki.

Yisme nukebyuvwi, yis Kiyavwiye Uhokri batek yikak. Amawka usuh kabayhig avanenekwa mmanawa avit hawkri humaw, ig Kiyavwiye Uhokri kaniyvey adahan yis isahptaw ariw yivathawni adahan yis danuhne git Kiyavwiye Uhokri. Yis isahptaw mmanawa Gitip ay yivit igi barewbetha yihiyekemni. Yis isahptaw mmanawa yis kamaxwene avitit Kiyavwiye Uhokri giwn inyewatnene.

Avim ini ig kavetunsa madikte hiyeg giwohkigakis. Ig kavetunsa madikte ku pariye hiyeg kiyatha. Ig ikaw ke wotbe ig kabayte giwkis madikte. Ayge nikwe ig parak arikut Kiyavwiye Uhokri Givin, ig bat atere ke wotbe ig Uhokribe. Ayge ig ikawvari ku ignewa Uhokri.

Kibeyne, Ukivarawiy Jesus Cristo gikak Wigwiy Kiyavwiye Uhokri igkis ka gamnihrakisima ukakwiy. Igkis kuwis ike wotwiy wawaygiy yuma amaksemni. Igkis keh wixwiy iveg gimkatkis ku aysawnemenek igkis utipkis wotwiy kibeyne kabayka akiw akak gabaykis. Igkis iki yawayginek ku avim inin adahan yis kamax gihiyekemni kabayntiwa kahadbe yis keh kabaykanen, yis awna kabaykanen.

Inneki keh ig Kiyavwiye Uhokri ikakse gidahankis adahan igkis kinikiswa avititak giyaknikis arit hiyakemniki ku pariye he wasaymkanen.

Ner awayg atiwkekne taraksaki ku aysaw ig kahayaksawnek, ig ayta akak Satanas gannu ay givit. Ig ka gannusima. Ig keh arakembet annut adahan kinisne hiyeg marihwa ignes ikiy ku ignewa Kiyavwiye Uhokri. Ig keh annut ku pariye keh hiyeg wakaymni ku ig Kiyavwiye Uhokri. Bawa giwasemni. Ig ner keh arakembet mbaykanek. Akak ini mbayka ig kinise hiyeg biyukavye. Ig kiniswigkis mmanawa igkis ka amevekere inakni Kiyavwiye Uhokri giwn ku pariye inyewatnene. Igkis ka batek akak inakni giwn. Igkis ka isahkiskere givathawnikis.

Taraksaki gavitkiya kuwis ay amadga inin, heneme ig kote kahayaksawte awaku ner pahavwi ku pariye ay kuri ig mpithanig. Heneme ku aysawnemenek ner pahavwi yuma ay akiw, nikwe ig ka mpithaka akiw.