Popular Bible Verses from Rom 3

Share

Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ. Yeesu Kristo yawɛ yaa o chal ne. A waa ya wa ɛɛ su Korowii siwi. O nɛn sum nae kohona waa o ɛ ɡɛ tɛ yaa pɛɛpɛɛ la.

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile. Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.

Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.

Anee Korowii Tɔn la ŋɔ la. O baɡlɔ ŋɔ, “Nomɛlbwa toole dɛ ɛ nɛndɛɛɡe o wa ɛɛ su Korowii siwi. Nɛmbeŋkpoŋ kwaraa toole. Nomɛlbwa toole dɛ jemɛ wa, nomɛlbwa toole dɛɛ nyin o Korowii bɔr dɛ́ tomɔ. Nomɛlbwa berɛ habɔɔ kpoo, nɛndɛɛɡe bɛlbwa toole ba bini, Bɛlbwa toole dɛɛ ɛ wedɛɛɡa, nɛmbeŋkpoŋ kwaraa toole.

dɛkalkɛŋɔ ya sɛoh kɛŋɔ Yeesu Kristo yaradae taa a che Korowii ɡel nɛn ɛ nɛndɛɛɡe o wa ɛɛ su o siwi. Mmara ta teŋa aa ɡelɛ nɛn ɛɛ ɛ nɛndɛɛɡe o wa ɛɛ su Korowii siwi bwa.

Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ, “He wobol ɛɛ baɡloo kɛŋɔ he dɔ kasinteŋ, hɛɛ dɛɛ di bole he waa taa.”