Popular Bible Verses from Matiu 7

Share

Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.

Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.

Gɛ haa dɛ nyin kɛ nɛra ɛ dɛɛ tɛ heyaa la, hé ɡe ɛ ɡɛ tenten dɛɛ tɛɛ ba. A ɡɛɛ dɛɛ baɡle Mosis Mmara la, ne Korowii keamere la webaɡla la bini kɛrɛdɛ.”

Kɛ onɔ la waa do feelɔɔ la dɛ́ kaa he ne mkpa ta. O ɡe ta kpɔe kpeɡri. Anomanta, nɛra tama kenii jema dɛɛ kpɔ o ta.

Yeesu berɔ ŋɔ, “Ŋwɛnɛre anɛɛ lole, bɛl do feelɔɔ ken, bɛl ɡe paɡri. Hé kpɔ ŋwɛnɛfeelɔɔ la ta, dɛkalkɛ onɔ la waa paɡa la dɛ́ kaa he ne seo ta. O ta kpɔe pwɛre. Anomanta, nɛra baa dɛ kpɔ o ta warɔ.

Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?

Yeesu berɔ ŋɔ, “He bɛ he dɔŋa dɛɛ pwah, ásɛ Korowii ɡe bɛ heyaa pwah, dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Nomɛlbwa waa no n waa nɔ, asɛ o ta ɡɛ aa dɛ baɡle la ɛɛ la do kɛ ɡɛne bɛl waa ma o dea hɛŋle harɛ ta.

Ɛrɛɛ hɛɛ bol he dɔŋ wechɔɡa tama wa, haa wola he te wechɔɡdamanta dawɛ nɔɔ? A do kɛŋɔ dabor aa lɔ he siwi ta haa wola on kpɔe, dɛ ŋɔ he dɔŋ be ŋɔ ó ɡel he laa dapuɡri kpɔ o siwi ta.

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken. Ba we-ɛɛla taa hɛɛ ba cheɡa dɛ́ jem ba. Kpeele aa won nɔnɛ kɛɛ, ɡɛɛ sɔɔh daa ɡe aa wola won nɔnɛ fiɡ nɔna.

Dadɛɛɡe nɔna wer, dachɔɡe te nɔna aa were.

Dadɛɛɡe aa won nɔnɛ nɔnchɔɡa, ɡɛɛ dachɔɡe ɡe aa wola won nɔnɛ nɔndɛɛɡa.

Daa bɛlbwa waa wola nɔndɛɛɡa nɔnɛ la, baa teŋo ta dɛ́ fuuh.