Popular Bible Verses from Matiu 6

Share

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

He bɛ ɡel kere waa swɛɛ he siwi. Tɔpere te bɛlbwa dɔ o waa aa lɔ o ta. Anomanta, hé ɡel fini waa ɡbo swɛɛ he siwi.”

Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne nee haa nyɔ, ne yale haa tɔ ne laala haa do wa. Haa jemɛ kɛ mkpa ɡwaa kondikwa, asɛ bwadabii ɡe ɡwaa yal aa?

Dɛ he te dɛ́ ba Korowii soŋa aa, hé kpɔ he te sɔh mɔɔ dɛ́ soŋe Korowii waa ɛ he Mɛɛ baa wola on na la. Onee dɛɛ na waa haa ɛa dɛɛ sɔh bwa. Onee dɛ́ bɔ heyaa kem.

Kenii chɛ kɛ hɛɛ soŋe Korowii, ‘Ya Mɛɛ haa lɔ nyundua, henee chɛ duura. Baɡle he kora dii harɛ nɔ ta. Gel ya ɛ he tetoowaa harɛ nɔ ta, ɡɛ baa dɛ ɛa nyundua la.

Tɛ yaa ya fini kondikwa

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la.

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Dɛ he kpɔ he dɔŋa wechɔɡa baa dɛ ɛ heyaa dɛɛ kɛ ba aa, he Mɛɛ waa lɔ nyundua la ɡee kpɔ he wechɔɡa haa dɛ ɛ laanee dɛɛ kɛ heya.

Hé ta sie nyiŋi jumbii na. Aa kwaa du, aa komɛ, a ta bela aa komɛ kwaa do dɔe, kɛ he Mɛɛ waa lɔ nyundua la dɛ́ tɛa kondikwaa aa di. He ta jumbii nɔ ɡwaalaa?

Yeesu berɔ ŋɔ, “He bɛ ɡel he siwi swɛɛ harɛ nɔ ta kondɔɔh ta. Harɛ bonɔ te, kwaa won kwaa chwee, kwaa won deera dɛ́ chɔɡ, ŋwɛɛra ɡe won dea joe dɛ́ ŋwɛ. Kɛ hé ɡel he siwi swɛɛ Korowii doa kondɔɔh ta. Belaa kwaa aa wola toole dɛ́ chwea, aa wola dee, ŋwɛɛra ɡe aa wola won jo dea ka ŋwɛa. Bela he kondɔɔh aa lole laanee he liire ɡe do.

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

Kpɔɡa haa naa a do wer fini, ásɛ kere ɡbo dɛ a serewɔ bá fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

Dɛ he te dɛ́ ba nɛn kon kɛɛ yaa, he bɛ ɡel he dansom ɡba jemɛ. Hé sɔh dɛ́ kɛo, ásɛ he Mɛɛ la waa dɛ na waa haa ɛa dɛɛ sɔh bwa la bɔ heyaa kem.”

Yeesu berɔ ŋɔ, “Hé nyiŋi kɛrɛdɛ dɛɛ berɛ he wedɛɛɡa ɛɛ nɛwɛnyini sie ta, ásɛ baa kpɛɛ heya. Dɛ he dɛ ɛ he wedɛɛɡa nɛwɛnyini sie ta naa, hɛɛ paŋɛ he kembɔree he Mɛɛ waa lɔ nyundua la sie.

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ. Kɛ he te, dɛ he dɛ vɔwɛ nyoa aa, hé samɛ he sie dɛ́ lee he nyuune, ásɛ nɛra bɛ jemɛ kɛŋɔ he dɛ vɔwɛ nyoa, nemenɛ he Mɛɛ baa wola on na la ɡbo. Onee dɛɛ na waa haa ɛa dɛɛ sɔh la. Onee dɛ́ bɔ heyaa kem.”