Popular Bible Verses from Matiu 19

Share

Yeesu ha sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe.”

Anomanta, baa nɛra banɛ ɛɛ ba kpa, ba pɛo ɛ beŋkpoŋ. Dɛ Korowii lawɛ nɛra banɛ pɛ aa, ŋwɛnɛ toole kɛŋɔ nɛn berɛ pere ba baah kpa.”

Anee Yeesu chaŋ ba ŋɔ, “He ta Korowii Tɔn la kure no kɛɛ? Korowii waa ta kwaa bwa la, waa dɛ ba nɛwɛnyini tae la, baa ne haahnee o ta, asɛ dɛ ŋɔ, ‘A waa baa ɛɛ ba o nya ne o mɛɛ jwɛɛh lee, dɛ́ kpɔ o te ka pɛl o haah, ásɛ ba nɛra banɛ la pɛ ɛ nɛmbeŋkpoŋ la.’

Anee Yeesu ŋɔ, “He bɛ bechale la ŋwɛnɛ tɔ. Hé ɡel ba ba n be, dɛkalkɛ banɔ dɔŋa nɔɔ Korowii Kora koobii la.”

Nɛra baa tɔ sie ɡalɡa ɛɛ ba ka munii, ásɛ nɛra baa ka mun ɡe ɡalɡa ba tɔ sie.”

Asɛ nomɛlbwa ɡe koh n waa dɛ ɡel o dem ne o nahaahnanar, ne o dɔɔranar ne nimanar, ne o nya ne o mɛɛ, ne o bii dɛ kooni aa, wɛɛ dɔ a dɔŋa bele lafaa, dɛ́ berɛ dɔ mkpa aa wola jaɡa dɔe bwa la ɡe.

Anee Yeesu ŋɔ o be ŋɔ, “Dɛ he dɛ nyin kɛ he waa do kɛrɛdɛ ka tonaa, ka yoɡ he kwaa haa dɔa bwa, ásɛ dɛ kpɔ a suuɡa kɛ nyaara. Ka ɛ ɡɛ, ásɛ dɛ ba teŋɛ n nɛ. Hɛɛ dɔ kondɔɔh cheɡ Korowii doaa.”

Anee Yeesu ɡe berɛ pɛɛro ŋɔ, “Ɛrɛ waa hɛɛ pɛɛ mɛ wedɛɛɡa ɛɛ waa nɔɔ? Korowii ɡbosoo ɛ nɛndɛɛɡe. Kɛ dɛ he dɛ nyin kɛŋɔ he dɔ mkpa aa wola jaɡa dɔe bwa te naa, dɛɛ ɛ waa Korowii Mmarare la aa dɛ chaɡle la.”

N dɛ ŋɔ he be ja kɛŋɔ, aa do pwɛree tɛ nyoɡma kɛŋɔ ó won jo tɔɔɡe bɔɔ ta, ɡwaa kɛŋɔ dɔɔh naa wona ja Korowii Kora la ta.”

Nomɛlbwa waa vɛh o haah la, dɛ baala laa haah la nyin mɔɔ o vɛoh, dɛ ka mo hanfale aa, dɛ o ɛ o haah la wechɔɡa dɛ bɔ jwamane.”

Anee Yeesu ŋɔ o habɔteŋra la be ŋɔ, “Kasinteŋ, n dɛ ŋɔ he be, aa do kpeɡrii tɛ dɔɔh kɛ ó dɔ bɔr ja Korowii Kora la ta.