Popular Bible Verses from Matiu 18

Share

dɛkalkɛ bela nɛra banɛ kɛɛ batoro aa kpɔ nyopɛo cheme n sɔn ta la, dɛ n ja ba nɛ.”

N berɔ dɛɛ ŋɔ he be ja kɛ dɛ he bini banɛ ɡba nyoa pɛo harɛ nɔ ta hɛɛ nyin komɛl aa, n Mɛɛ waa lɔ nyundua la ɛɛ kpɔɔ tɛ heya

Asɛ Yeesu yerɛ bechajeɡa bɛl dɛ ɡel o ba che ba baah ta, asɛ dɛ ŋɔ, “Kasinteŋ, he ta he liire charɛ dɛ do kɛŋɔ bechajeɡre aa, haa won ja Korowii Kora la ta bwa.

Naate waa won pwɛr o te, dɛ́ do kɛŋɔ bechajeɡa nɔ la, onee ɡwaa nomɛlbwa Korowii Kora la ta.

Nomɛlbwa waa koh n waa dɛ́ nyiŋi bie nɔ dɔŋ nɛɛ la, menee o nyiŋi la.

Kasinteŋ, wobɛlbwa haa wola sɛɛh harɛ nɔ ta la, nyundua ɡe Korowii aa sɛh, asɛ wobɛlbwa haa sɛh harɛ nɔ ta la, nyundua ɡe Korowii ɛɛ sɛoh.

Yeesu aa bol a ɡɛ waa nɔ tonɛ la, anee o ŋɔ, “Dɛ he ɡe ta he bambile bini leɛ dɛ kpɔ he dɔŋa wechɔɡa kɛ ba aa, ɡɛɛ n Mɛɛ waa lɔ nyundua la ɡee ba heyaa ɛɛ.”

Kɛ nomɛlbwa waa neɡre bechajeɡre nɔ dɔŋ bɛlbwa waa dɛ yarada mɛ nɔ ásɛ o ɛ wechɔɡa la, dɛ ba fe vɔwɛ nambwe do o baŋa, dɛ kpɔɔ ka ta mpo vil ta kwaraa fe bɔ.

Dɛ nomɛl dɔ peera lafa asɛ beŋkpoŋ nyoɡre aa, ɛrɛɛ wɛɛ ba ɛɛ yɔ? Wɛɛ ɡel fifraanuanaarɛ dɛ anuanaarɛ la a dibɔr belaa tama, dɛ́ ka ɡaaɡe beŋkpoŋ waa nyoɡra la bɔr.