Popular Bible Verses from Aesaya 45

Share

Mɛɛ tɛɛ kondɔɔh aa sɔah nɛra aa wola an na, ásɛ he jemɛ kɛŋɔ menee Korowii Israel tena aa dɛ tom mɛ, n yerɛ he sɔn.

“Mɛɛ tɔ he siee, dɛ́ bur bwejena ne deŋɡarere. Mɛɛ paɡre ayaawa ɡberjenaa, dɛ́ kuuɡi bune baa kpɔa kaɡra la ɡe.

Menee Korowii, Dɔɔ bɛlbwa toole kpa, nemenɛ n ɡbo. Haa men jemɛ, kɛ mɛɛ tɛɛ kpeɡrii. N ɛ ɡɛ, ásɛ le wee leebɔr kaa o cholibɔr, nomɛlbwa jemɛ kɛŋɔ menee Korowii. N habɔɔ, Dɔɔ bɛlbwa toole kpa, nemenɛ n ɡbo.

Menee ta bochaah ne biro bwa, menee dɛɛ tɛ bosɔɔhna, dɛ berɛ dɛɛ ba sibeɡra ɡe ne. Men Korowii, menee ɛ anɔ bwa.

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

Korowii le Saeros ŋɔ ó ɛ kooro, dɛ leo ŋɔ ó pɔ harɛre nɛra nɛ. O leo ŋɔ ó yo harɛre, dɛ́ pɔ ba koranar nɛɛ dɛ lɛ́ ba kpeɡri ba be. Korowiirii dɛ́ ya bwɛjena doonyoone ɡbeni tɛo. O ŋɔ Saeros be ŋɔ

N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.

N bonɔɔnaa Israel tena n lee ba tɛ n te nomanta, n le he Saeros cheɡ dɛ tɛɛ jirima kohona, a lole kɛ dɛ haa men jemɛ.