Popular Bible Verses from Filipi 2

Share

Mlakíbitɛ kididɔ ŋwisi mlɔ ko mlɛsate loo ní kusufeke mɛ boŋu i, mlepleni isu aki mlɔ ahanuglɔ ba, lɛ mlakɔ lɛ lipoe kakaa si banɔ dzedze ba bɛpɛ ɛ sani mlɔ ɔ. Mleze ni aŋu ní mlɔ ahanuglɔ ba bapɛ́pɛ ʋa su, aní mlɔ banɛ ma tete e.

Lilɛ si mlɔ kiboebitɛɛ kize ŋwisi Kristo Yesu kiniɛ.

Aya kilɛlɛɛ mɛ kize yɛ awla lipoe kakaa pɔ̀ ɔ́kɔ lɛ si lilɛ si yɛ ni Aya basɔ̀ ɔ, Boŋu ní yɛ ɔtutɔ yɛ kupɛpɛ onu i, epleni isu ya gi akɔ ɔnɔsumu kilɛlɛɛ mɛ ɛ, gi bɛpɔ yɛ ɛ, xe bɛmɔ ɔnɔgbagbe kizeze me ní yɛ su i. Epleni isu ya, lɛ enu kutu kɔtsini kutseo me, kɔzɛna ni osetsase lo su kutseo me ke.

Lɛ ese linu si Aya yɛ onu ɔniliɛ gi yɛ ɛɛwa axwɛ na ní mlɔ mɛ ɛ, si tɔ mlapɛ̀ ani tɔ mlabitɛ kidiliɛ gi apɛ si mlabitɛ ɛ.

Lɛ loso Aya emuni ye atsini ɔgyɔgyɔ klɔ ke, lɛ akɔ linyii nɛ gi likeme sani linyi kakaa ɛ, aki yɛ, atɔ xe bɛxwa yɛ linyi ne e, banima biadu aklamasi kese aki yɛ. banama gi bali ní lifunu ne ni banama gi bali ní kesea aʋa a, ani banama gi bákpasi ní kesea ese e, atɔ ɔnɔ kakaa aadra lɛ mɛ si, Yesu Kristo yɛ onu Ɔkaɛ, ki Ɔka Aya yɛ kusudraa.

Mlabitɛ kidɔ kakaa tɔ kutɛ̀tɛ̀ ni eboe hehe akíze ní lɛ mɛ ɛ. Atɔ mlaadzi bebi dradra gi kutɛnɔ kútraze ní ba su u, Aya yɛ bebi ba, gi kesetata káma ní ba su u, gi balɛ ní kele nyani nyani ni banɔ zimizi kusi i, atɔ mlaaze banama gi bizeekle ŋwisi badzidziebi ní lifunu ne me kinɛ ɛ.

Lɛ loso mɛ baʋia dimɛnɔ ba, kiliɛ gi mlezenu kutu lipoe kakaa a, aní lipoe lɛ gi meze ní mlɔ su tètè e, pɔ̀ abla gi máma ni mlɔ su kyɛ ɛ, liziã si mlatrɛ ní lɛ aʋa ki mlɔ kubúbú yo ni lifu ni kusugu.