Popular Bible Verses from Hebr 12

Share

Lɛ loso gi banima lihakpɔ ʋidi ilɛ gi liiŋa katsalia ɛki blɔ liklani blɔ ɛ, mlaki tɔ kuyurɔ kidɔ kakaa gi kiitsí blɔ kudeonu ni eboe zimizi ana gi ɛnya blɔ gagla tɔ mlaki tɔ kuse nì kimbi kyíkyĩ kuseseo liɔ klɔ gi kulɛ ní blɔ ɔtɔ nɔ ɛ. Mlaki tɔ kukɔ blɔ aŋu na trɔ ní Yesu aʋa, gi yɛ onu blɔ liŋwitsɛ lɛ ɛ, xe yɛ aaki si blɔ kuziŋaa kwina ɛ. Lɛ ese linu si gi ete isamii nɛ ɛ, gi aamɔ dɔni Aya kɔ ɛ, evu ɔna akpɛ lipo lɛ amɔ ɔziã nɔ, lɛ osetsase lo su kutseo kúku ye kuye e. Lɛ eze ní Aya yɛ likusigbo le lɛ kaŋawla mɛ ɛ.

Xegi beehe kutu iiki blɔ ɛ, lizɛɛbitɛ ɛki blɔ si kwinu kuyeʋiyeʋi lɛ aní isami i; pɔ̀ lɛ kede e, banama gi bɛga kutuheheo liɔ ya mɛ ɛ, bizɛmɔ si balɛ ni kude gyɔgyɔ aʋa lɛ bizɛmɔ kusuyɔ ni ligbã́zeze gbã.

Mlapɛ tɔ mleze ní kusuyɔ nì ɔnɔ kakaa, atɔ mleze ligbã́ dradra fɛ; lɛ ese linu si ɔnɔnɔ ɔ́tratani Ɔkaɛ kumɔ ɔ, xegi ɔ́dra a.

Mlebù eboa la mɛ gi aga aza a, dɔni banɔ zimizi ba iwla mɛ, kiliɛ gi bɛtrɔ yɛ ahwafi i! atɔ mlakípè tɔ ɔna okído ní mlɔ lipo o.

Lɛ loso agi mlɛɛzi kaʋaŋaa klɔ ɔ, gi kátrásugu i, mlaki tɔ kudo Aya ɖase, tɔ kusumu Aya gani bede ba ya gi biaku yɛ aŋu i aʋa, kɔpɔni kubùbù ani lifu kusese e.

Mlevu ɔna ní ɔziã mɔmɔ mɛ ŋwisi kuhehe kinɛ ɛ, lɛ ese linu si Aya eehe mlo ŋwisi yɛ bebi kinɛ ɛ, obi woli ɔlɛ gi yɛka óʋihe ye e?

Lɛ ese linu si blɔ Aya ɔlɛ ŋwisi kifu, gi kizɛɛkani bidɔ kinɛ ɛ.

Blɔ kisugyaɛ mɛ baka ba behe kutu iiki blɔ lipoe kpekpemi itɔ ko, ní kiliɛ gi begyodi si kipɛ ɛ onu, pɔ̀ Aya kɔ ɛ izeehe kutu iiki blɔ ki blɔ kupɛ̀pɛ ɛ, atɔ blɔ kyɛ kudra ŋwisi yɛ kiniɛ.

Lɛ ese linu si gani mlɔ kuŋwlɛŋwlɛɔ nì eboe zimizi na mɛ kyɛ ɛ, mlaʋína niklɔ gi biabali mlɔ ika lɛ ní kese sukɔ ɔ.