Popular Bible Verses from Galatia 5

Share

Pɔ̀ Aya yɛ Ɔfuɛfuɛ nɔ izɛɛki esebi ŋwisi, kunɔlɔ, isami, kusuyɔ, litɔplɛplɛkese kese, lipomepɛpɛ, bidɔ gbã, kuziŋa, kusububɔ, ani isu aʋa kuŋaŋa. Ɔsã ɔtɔtɔ ɔ́yɔ kedu ní bɛya su u.

Mɛɛpani si; mlaki tɔ Aya yɛ Ɔfuɛfuɛ nɔ ɔgbani mlɔ ligbã́ nɛ, atɔ mlakíki tɔ mlɔ isu ya mɛ bapɛ́pɛ zimizi ʋa baŋa mlɔ aʋa a.

Aya yɛ Ɔfuɛfuɛ nɔ ɛki blɔ ligbã́ nɛ; lɔ kee linu si ɔgbani blɔ ligbã́ nɛ.

Lɛ banama gi benu Kristo Yesu banɛ ɛ, bɛkla bá bisugya ʋɛ ni kusuŋwasiɔ ni kɔ bapɛ́pɛ ʋa ní Kristo osetsase lo su.

Kidiliɛ gi kisugyaɛ kizɛbitɛ ɛ, kizɛbasɛ isu ya wee. Lɛ bɛ binu ádzɛ ni enyimeboe, anyaniboe, ni akpɛ̃boe; ni kubúbitɛ, ani adzee, ofu kutrɔtrɔ, avitɛ; kìfu kugɔni, kusuyeʋi gagla, lipɛ ki mɛ tole, baglɔ ese kumonumonu, ni kulɛlɛ; kaŋuza, kuda mumu, ehwiboe ani edzedze la ŋwisi la ya elue e. Mledi mumɔ abla kiliɛ gi masi mlɔ edi i; si banama gi bizɛɛbitɛ eboa la ya elu i, bátraŋa Aya yɛ Kaʋaŋaa mɛ bidɔ ɔ.

Mlɔ mɛ benemi ba a, bɛxwa mlɔ tɔ mleze isuwla mɛ banɔ. Pɔ̀ mlakíki si mlɔ ɔwlamɔmɔɔ nɔ ya ɛ, odzi eboe zimizi kubitɛ tɔ mlɔ bapɛ́pɛ ʋa baŋa mlɔ aʋa a. Boŋu i, mlaki tɔ kulɔlɔ kuki tɔ mlesumu mlɔ ahanuglɔ ba.

Lɛ kidiliɛ gi blɔ kisugyaɛ kiipɛ ɛ, kiyɔ kedu ní Aya yɛ Ɔfuɛfuɛ nɔ kupɛ́pɛɔ su, lɛ kidiliɛ gi Aya yɛ Ɔfuɛfuɛ nɔ ɛɛpɛ ɛ, kiyɔ kedu ní kisugyaɛ kɛ kupɛ́pɛɔ su. Bɛ tuʋa ɛ binu ahwafianɛ aki bɛ ahanuglɔ ʋa, lɛ libasɛ si wɔtratani kidiliɛ gi wɔ ɛ pɛ́ ɛ, kubitɛ.

Lɛ Ɔsã zizi nɔ pɔ ɛ, bɛnya nɔ likpɔ tile si; “Lɔ wɔ ɔhanuglɔɛ kiliɛ gi wɔ lɔ wɔ ɔtutɔ wɔ isu ya ɛ.”

Líma si kudɔ isu ya loo kufati blɔ ahanuglɔ ba loo kukɔ kaŋuza ní blɔ ahanuglɔ ba su.

Kristo akí blɔ isuwla mɛ kuzeze! atɔ kwiamɔ ɔwla. Mlalɛ ŋwisi banɔ gi balɛ ní ɔwlamɔmɔ mɛ kinɛ ɛ, tɔ mlakíyurɔ mlɔ isu ya tɔ mlaadzi banɔdzidzi tɔ ɔ.