Popular Bible Verses from 1 Timo 1

Share

Liboe lɛ ya linu anukwarɛ liboe gi liziã si ɔnɔ kakaa ɔzɛ lɛ aʋa ŋa a, si Yesu Kristo aba kelea lia mɛ si yibu banɔ zimizi ba, lɛ mɛ menu ɔnɔ zimizi sani ba petee e

pɔ̀ kɔkpɛ lɛ ya loso e, Aya edi me asigaga atɔ gani mɛ banɔ zimizi ba ɔkaɛ aʋa ɛ, Kristo Yesu aabasɛ yɛ litɔplɛplɛkese kese gi liʋi blo o, ŋwisi liŋwitsɛ kinɛ ki banama gi biazɛ yɛ aʋa ŋa a, xe biamɔ ligbã́ moblo le e.

Kidiliɛ loso gi maki wɔ ɔsã lɔ ya kɛ kinu si i, kitɔ baʋaziŋa ba beze ní kunɔlɔ gi kwidɔ ɔna gbã mɛ ɛ, begyodi dradra mɛ, ni kuziŋaa ɔtutɔ mɛ.

Lɛ loso mlaki tɔ kukpɔ̀ blɔ Okusi ye gi ɔlɛ dɔni kanɔmɛ tsini kanɔmɛ, gi óʋitse e, gi ɔ́ʋiŋwi, Aya tolee, yɛ binɛ binu kubùbù yo ni kusudraa kɔtsinɔ kanɔmɛ anɔmɛ! Atɔ liba lɛ mɛ.

Kwite kyɛ si bɛkpɛ isã nɛ aní ki banɔ gi ba bede ʋa mɛ bɛdra a, boŋu i, ki banama gi baʋíbitɛ ní isã aʋa a, ni banama gi bizɛɛyɔ kedu ni banɔ su u, banama gi béte e, xe bazɛ Aya aʋa aŋa a, ni banɔ zimizi ba, banama gi ba isu ídra ɛ, banama mɛ gi Aya yɛ Liboe le líma ɛ. Bɛkpɛ isã nɛ ɛki banama gi bizeye ba baka ba a, loo ba bene ba ani ki bakpɛnɛ ba. Bɛkpɛ lɛ ɛki bamamɛga ba, benyime ba ya gi bizɛfɛ ni ba ahanuglɔ benyime ba, ni badzɛ gi bizɛfɛ ni ba ahanuglɔ badzɛ ba, banama gi bizɛɛga kanɔ́dzia, ni banɔdzidzi ba, banɔmeno ba, kí basia nɛ ba gi bizɛɛtàni bidɔ mɛ ɛ, ani kidɔ kakaa gi kiyɔ kedu ní kudɔbasɛ gbã su u