Popular Bible Verses from 1 Petro 3

Share

Pɔ̀ mlakpɛ kubùbù yo ní Kristo su ŋwisi Ɔkaɛ kinɛ dɔni mlɔ ina nɛ mɛ. Mleze ní kublabla mɛ lipoe kakaa tɔ mlebú mlɔ kudeonudidi uliɔ gi kulɛ ní mlɔ awla ɛ, ese aki ɔnɔ kakaa gi aaʋi mlo e. Pɔ̀ mlabitɛ lɛ ní litɔplɛplɛkese ni kubùbù me e. Mlaki tɔ mlɔ ina nɛ mɛ idra, tɔ banama gi beekpini mlo kɔkpɛ mlɔ kizeze me gbã ɛ, ŋwisi banɔ gi bali ní Kristo me e, atɔ kuye kwiaku ba kɔkpɛ ba asia na gi beezizi mlɔ su i.

Lɛ ese linu si Ɔkaɛ yɛ aŋu na alɛ ní banama gi ba bede ʋa bɛgyɔ su lɛ izeenu xegi bɛxwa yɛ ɛ, Pɔ̀ Ɔkaɛ izɛɛyɔ kedu ní banama gi bizɛbitɛ eboe zimizi na su u.”

Mlɔ kusululɔɔ kukídɔ ní oge no bidɔkpɛkpɛ ʋɛ ŋwisi siya sɛ kututu yo loo ni sika yɛ bidɔ mɛ loo awu gbã na kukpɛkpɛ mɛ ɛ. Boŋu i, mlɔ kupedi yo kudɔ ní mlɔ kimɛ mɛ, kupedi uliɔ gi kúʋikpa a, xe kulɛ ni Ɔfuɛfuɛ ɛ, gi ɛdɔ zii i, xe ɔʋíhwani isu mɛ ɛ, xe ɛɛplɛ litɔ kese e, gi binu bidɔ gi bizɛ kedzi ni Aya aŋu mɛ ɛ.

Ŋwisi kiliɛ gi liboe le lipani si i, “Ɔniliɛ klɔ gi apɛ́ si yiŋa ligba nɛ ɛ xe egyo le edi si yimɔ epoe gbã ɛ, lilɛ si odi yɛ kinemi ye aʋa tɔ ɔkipani eboe zimizi tɔ ɔmɔni asia kusɛ. Lilɛ si okyi kede ɔkpɛ eboe zimizi tɔ ɔbitɛ eboe gbã; lilɛ si ɔpɛ kusuyɔ tɔ ose kuni kɔ kude e.

Tɔ migù mɛ liboe le e, mlɔ petee mleze ní kusuyɔ mɛ ni mlɔ ahanuglɔ ba; mlakɔ litɔ lɛ mɛ aki mlɔ ahanuglɔ ba, lɛ mlalɔ ba ŋwisi benemi kinɛ ɛ, mlenu eboe ese atɔ mlabubɔ isu ya. Mlakídzini eboe zimizi atsa liʋɛ ɛki eboe zimizi i, loo kukpini ki kukpini, boŋu i, mlakɔ kukrira atsa liʋɛ, lɛ ese linu si liboe lɛ ya loso bɛxwa mlɔ atɔ mlaazɛ kukrira ŋwisi kaŋase kinɛ ɛ.

Ɔnɔnɔ ɔ́trakpɛ mlɔ ebi xegi mleekeni idi si mlɛɛbitɛ eboe gbã a.

Lilɛ si okyi kede ɔkpɛ eboe zimizi tɔ ɔbitɛ eboe gbã; lilɛ si ɔpɛ kusuyɔ tɔ ose kuni kɔ kude e.

Lɛ lipɛ sanɔ si wɔamɔ ɔzia kɔkpɛ wɔ eboe gbã na xe liaze Aya yɛ kupɛpɛ ɛ, sanɔ si wɔabitɛ eboe zimizi i.