Popular Bible Verses from 1 Korinto 11

Share

Niteme kee, agi bɛŋa bidɔ mɛ pɔ ɛ, akɔ kaŋwɛpliʋia lɛ apani si, “Kaŋwɛpliʋia lia kenu kunyanya vuvu yɔ ní mɛ ika lɛ mɛ; xegi mlɛɛŋwɛ ka onu i, atɔ mlakɔ aplɛ aŋu ní mɛ aʋa.” Lɛ ese linu si lipoe kakaa gi mlɛɛta aklã na ya a, xe mlɛŋwɛ ní kaŋwɛpliʋia lia ya onu i, mlɛɛklá Ɔkaɛ yɛ kutseo zɛkɔna ni lipoe lɛ gi aadzi ba ɛ.

Lɛ ese linu si kidiliɛ gi mazɛ adɔ ni Ɔkaɛ klɔ ɛ, kɛ mɛ kyɛ makɔ aki mlɔ: si Ɔkaɛ Yesu i, ní elesi ala klɔ mɛ gi bebu ye ekɔ ɛ, akɔ lìklã nɛ, lɛ gi edo Aya ɖasee ní lɛ aʋa ɛ, ayaʋi lɛ lɛ apani si, “Lɛ ya linu mɛ kisugyaɛ, gi bɛkɔ ɛki mlɔ ɔ. Mlabitɛ lɛ tɔ mlakɔ aplɛ aŋu ní mɛ aʋa.”

Kɔlɔ lilɛ si ɔnɔ ɔtapo yɛ isu ya odi xe ableke aatà lìklã nɛ ɛ, xe ableke aaŋwɛ ní kaŋwɛpliʋia lia onu u. Lɛ xe ɔnutɔ ónu Ɔkaɛ yɛ kisugyaɛ ese e, xe ata lìklã nɛ ɛ, xe aŋwɛ ní kaŋwɛpliʋia onu i, aamani litsixwaxwa ní yɛ isu ya aʋa a.

Lɛ loso e, xe ɔnutɔ atà Ɔkaɛ yɛ lìklã nɛ loo aŋwɛ dɔni yɛ kaŋwɛpliʋia onu ní kude gi kúgyɔ onu i, aŋa lipɔ gi abitɛ liboe zimizi ní Ɔkaɛ yɛ kisugyaɛ ni yɛ ika lɛ su u.

Mlakpasi mɛ kiboebitɛɛ ŋwisi kiliɛ gi makpasi Kristo yɛ kiboebitɛɛ ɛ.