Popular Bible Verses from Rôm 1

Share

Sĭt biă mă, kâo ƀu mlâo ôh kơ Tơlơi Phrâo Hiam, yua kơ ñu jing tơlơi dưi mơyang Ơi Adai kiăng pơklaih rĭm čô hlơi pô đaŏ, blŭng hlâo kơ ƀing mơnuih Yuđa laih anŭn truh kơ ƀing mơnuih Grek mơ̆n.

Yua kơ Tơlơi Phrâo Hiam anai bơrơđah tơlơi tơpă Ơi Adai hmâo mơ̆ng tơlơi đaŏ laih anŭn atăt kơ tơlơi đaŏ; tui hăng hmâo čih laih: “Mơnuih tơpă či hơdip hăng tơlơi đaŏ.”

Čơdơ̆ng mơ̆ng hrơi hrih lŏn tơnah kơnuih mơyang Ñu, kiăng laĭ tơlơi dưi mơyang Ñu hlŏng lar laih anŭn tơlơi Ñu jing Ơi Adai, arăng dưi ƀuh rơđah tơ kơsem lăng mơnơ̆ng Ñu hmâo hrih laih. Tui anŭn gơñu ƀu dưi pơgăl pơgang gơñu pô ôh.

Yua kơ wơ̆t dah gơñu thâo krăn laih Ơi Adai, gơñu ăt ƀu pơpŭ pơyom ôh kơ Ñu jing Ơi Adai, kŏn bơni hơơč kơ Ñu lơi; samơ̆ tơlơi pơmĭn gơñu jing hĭ đôč đač, laih anŭn pran jua mlŭk gơñu bă hăng tơlơi kơnăm mơmŏt.

Yua kơ gơñu pơplih hĭ tơlơi sĭt Ơi Adai jing tơlơi ƀlor, laih anŭn gơñu kơkuh pơpŭ hăng mă bruă kơ mơnơ̆ng hmâo hrih laih, pơala kơ Pô Hrih Pơjing, jing Pô lăp kơ pơpŭ bơni hlŏng lar Amen!

Tơlơi hil Ơi Adai mơ̆ng adai hmâo pơrơđah kiăng pơkơdơ̆ng glaĭ hăng abih tơlơi ƀu pơpŭ kơ Ơi Adai laih anŭn tơlơi wĕ wŏ mơnuih ngă, hăng tơlơi wĕ wŏ anŭn gơñu kơ̆ng khă tơlơi sĭt.

Yua kơ tơlơi anŭn yơh Ơi Adai hmâo jao hĭ gơñu kơ tơlơi amoaih rih mlâo hañ. Wơ̆t kơ ƀing đah kơmơi kar kaĭ mơ̆n hmâo pơplih hĭ tơlơi phiăn yang đar, samơ̆ ngă kơđai glaĭ hĭ tơlơi phiăn yang đar. Ƀing đah rơkơi ăt kar kaĭ mơ̆n, lui hĭ tơlơi phiăn yang đar đah rơkơi hăng đah kơmơi juăt ngă, laih anŭn pơčuh tơlơi amoaih rih tơdruă, đah rơkơi hăng đah rơkơi ngă tơlơi soh mlâo hañ, laih anŭn gơñu pô tŭ mă tơlơi pơkơhmal lăp hăng tơlơi soh gơñu. Yua kơ gơñu ƀu kiăng djă pioh ôh tơlơi thâo krăn Ơi Adai, tui anŭn Ơi Adai hmâo jao lui hĭ gơñu kơ tơlơi pơmĭn răm ƀăm tơl gơñu ngă lu tơlơi ƀu lăp.

Gơñu laĭ gơñu pô jing kơhnâo, samơ̆ gơñu jing hĭ laih mlŭk, gơñu hmâo pơplih hĭ tơlơi ang yang Ơi Adai ƀu thâo brŭ rai kiăng kơ mă tŭ rup mơnuih thâo brŭ rai, thâo dah rup čĭm, rup hlô mơnơ̆ng, ƀôdah hlô mơnơ̆ng hro rui.