Popular Bible Verses from Tơlơi Bơrơđah 14

Share

Kâo hmư̆ asăp mơ̆ng adai laĭ: “Čih bĕ tơlơi anai: Mơ̆ng ră anai pơ anăp, mơyun hiam yơh kơ ƀing djai jing ƀing djai amăng Khua Yang!” Yang Bơngăt Hiam laĭ: “Sĭt biă mă, gơñu či pơdơi mơ̆ng tơlơi gleh glăn gơñu, laih anŭn khul bruă gơñu đuaĭ tui gơñu.”

Anai yơh tơlơi gir kơ ƀing rơgoh hiam, jing ƀing djă pioh kơjăp tơlơi Ơi Adai pơtă laih anŭn tơlơi đaŏ kơ Yêsu.

Ñu laĭ hăng asăp kraih: “Hwĭ pơpŭ bĕ kơ Ơi Adai laih anŭn pơpŭ bơni kơ Ñu, yua kơ mông Ñu phat kơđi truh laih. Kơkuh pơpŭ bĕ kơ Ñu, Pô hrih pơjing adai, lŏn tơnah, ia rơsĭ laih anŭn abih bang akŏ ia.”

Sa čô ling jang pơkŏn, jing pô tal klâo, tui klon ñu laih anŭn laĭ hăng asăp kraih: “Tơdah hlơi kơkuh pơpŭ kơ hlô laih anŭn kơ rup ñu, laih anŭn mă tŭ gru ƀơi athơi ƀôdah ƀơi tơngan ñu, ñu anŭn či mơñum tơpai tơlơi Ơi Adai hil ƀu pơklai ôh, hmâo hling laih amăng kơčok tơlơi Ơi Adai hil, laih anŭn ñu či tŭ tơlơi tơnap tap amăng apui, laih anŭn boh pơtâo kơsŭm ƀơi anăp ƀing ling jang rơgoh hiam laih anŭn ƀơi anăp Ană Triu. Asăp apui tơlơi tơnap tap ƀing anŭn pơr đĭ nanao hlŏng lar. Ƀing mơnuih kơkuh pơpŭ kơ hlô laih anŭn rup ñu, laih anŭn abih bang hlơi pô mă tŭ gru anăn ñu, ƀing anŭn hrơi mlam ƀu hmâo tơlơi pơdơi ôh.”

Kâo lăng, anai nê Ană Triu dŏ ƀơi čư̆ Siôn, laih anŭn hrŏm hơbĭt hăng Ñu hmâo sa rơtuh pă pluh pă rơbâo čô mơnuih hmâo anăn Ană Triu, laih anŭn anăn Ama kơ Ană Triu hmâo čih laih ƀơi athơi ƀing gơñu.

Giơ̆ng anŭn kâo ƀuh sa čô ling jang pơkŏn pơr tơ̆ng krah adai. Ñu hmâo Tơlơi Phrâo Hiam hlŏng lar kiăng pơthâo brơi kơ ƀing dŏ ƀơi lŏn tơnah, kơ abih bang lŏn čar, kơ abih bang djuai mơnuih, kơ abih bang tơlơi pơhiăp, laih anŭn abih bang ană plei pla.

Sa čô ling jang pơkŏn, jing pô tal dua tui klon ñu laih anŭn laĭ: “Plei prŏng Babilôn tơglưh laih, tơglưh laih! Pô hmâo ngă brơi abih bang kơnŭng djuai mơnuih mơñum tơpai tơlơi hil kơtang kơ tơlơi rih răm ñu.”