Popular Bible Verses from Tơlơi Yap 20

Share

Samơ̆ Yêhôwa laĭ kơ Môis hăng Arôn: “Yua kơ ƀing gih ƀu đaŏ kơ Kâo ôh, kiăng pơrơđah tơlơi rơgoh hiam Kâo ƀơi anăp ană plei pla Israel, anŭn yơh ƀing gih ƀu dưi ba ană plei pla anai mŭt amăng lŏn Kâo hmâo pha brơi laih kơ gơñu.”

“Djă bĕ gai jra, ih hăng ayŏng ih Arôn pơƀŭt glaĭ ană plei pla. Pơđar bĕ kơ boh pơtâo ƀơi anăp ană plei pla, tui anŭn boh pơtâo či tơbiă ia yơh. Ih či ngă ia tơbiă rai mơ̆ng boh pơtâo brơi kơ ană plei pla hăng hlô mơnơ̆ng gơñu rong dưi mơñum.”

Tơngan Môis djă gai jra yơr đĭ hăng taih ƀơi boh pơtâo dua wơ̆t. Ia tơbiă rai mơtam; abih bang ană plei pla hăng hlô mơnơ̆ng gơñu rong hrŏm hơbĭt mơñum ia.

Môis hăng Arôn pơƀŭt glaĭ ană plei pla ƀơi anăp boh pơtâo anŭn hăng laĭ: “Ơ ƀing ană plei pla pơkơdơ̆ng ah, hmư̆ bĕ! Dưi mơ̆ ƀing gơmơi či ngă ia tơbiă rai mơ̆ng boh pơtâo anai brơi kơ ƀing gih?”