Popular Bible Verses from GENESIS 37

Share

Vaekheit tuh Josef nynh maansah zah a maan kha a upaw hae kya he a hopah hae tuh minmin nynh amaw kha houh a hua vae hae.

Israel nynh Josef kha phe a taw vae te a saahpaw ccapaw athua keiccuze ccangpaw a ccaaw hae laeze a sungsahua; te aning nynh apyaapaw angkiccuapaw kha a raepya.

Mih paaw nynh Josef kha a upaw hae balyn laeze a sungsahua cipaw a upaw hae nynh he a nyh hae tuh, Josef kha hua hae zah hoyte byabeih ry vae khyh hae.

Josef nynh ccangpaw maan kha bua sah zah a upaw hae kyakhe, “Ngaetua oh, ccangpaw maan kha bua ka sah vae: khuanin, sawpaw te awsi haw lae kheit nynh ka malang bakhungte yn la beik hae,” a ci.

A upaw hae nynh Josef tungvaw mih eiung, thuasalama a paaw nynh tuh-e tuh a thinlung kya palei a tua.

Josef nynh minmin kha, “E ka maan hynh ngaetua oh. Aening nynh loo kya loohku acce kha ah la tung oh. Ka loohku acce nynh vaekheit mawte la thokuh zah lawbabin lan a la thadyn; oute nae loohku acce hae nynh ka loohku acce kha la koihlu hae zah bakhungte a la beik hae,” a ci.

Rang oh, amaw kha theih oh sih lah, hunghua ccangkheit lungkhu lang vua oh sih; oute sarepaw nynh phe tei cite ho lan, te a maan hae kha pawlangmah yn tang cipaw dotua lan,” a ciku hae.

Te Midian kungku hae he la thua hae tuh, Josef kha hunghua lungkhu te poh thuaa hae zah Ishmael minphuin hae kya ngunphua kia kuin lang a zua hae. Te minmin nynh Josef kha Izip ram lang a cciakhae hae.

Minmin nynh mimaw te mimaw kha, “Maansahtupaw hein kya yn thua vae.

A upaw hae nynh asawnaw kyate Josef kha a muih hae, mih pe a thua mawkhe amaw kha chia lan cite a paccynku hae.

Tukoute Reuben nynh minmin kha, “A chii luasah nan oh, e ramkaw umpaw hunghua lungkhu lang vua oh, kuih hangnua nan oh,” a cipya hae. Amaw kha mih kuih kyate ka luesah cih zah apang kya bua ka thuakhae sah cite a tuaku.