Popular Bible Verses from EXODUS 20

Share

Kae tuh nang kha see lang na tangnaw Izip ram kyate ae poukhaepaw BAWIPAW na Pachia nynh ka thua; Kamaw laelan ccangpaw pachia hae kha na beik lan khyh.

Ahangnaw vaawram kya thuasah, anenaw laephi kya thuasah, laephi akawlan e tui kya thuasah a umpaw ccangkhakheit te muinsan alokuhpaw zohtuh kha namaw hanlan na raekuh lan khyh. Tuh-e zohtuh hae malang na bakhung lan khyh zah na beik lan khyh; pawccecize BAWIPAW nae Pachia kae tuh a eiungpaw Pachia ka thua zah kamaw oun vuapaw ccungccaw hae kha she thum, she pali kyacia, paaw hae seinaw hanlan ccaaw hae kha de a tahpaw Pachia nynh ka thua

BAWIPAW na Pachia nynh ae pyapaw ram kya na hiinshe a sae nawlan, na nung te na paaw kha sawtua hae.

Sabbath nin kha ning nan, te khah-e nin kha athyaapaw lante la mang.

BAWIPAW na Pachia min kha ahme lei lante na mang lan khyh; pawccecize BAWIPAW min kha ahme lei lante a mangpaw tuh BAWIPAW nynh seinaw hoi leipaw cite muih khyh.

Nin taruh lungkhu rya na lah cih zah, na ryalaw balyn kha na lah cih. Thuasalama nin sarinaw nin tuh BAWIPAW na Pachia hanlan sabbath nin nynh thua; tuh-e nin kya tuh namaw, na ccapaw, na ccanung, na seenung, na seepaw nynh thuasah, na sahiin-awvaw te na khua kya umpaw mikhia nynh thuasah pawpaw rya mah na lah lan khyh oh.

Na innpaw kya-e inn kha na duaa lan khyh; na innpaw paw a zu, a seepaw, a seenung, vaetua, lann, te na innpaw kya-e hankhakheit kha na duaa lan khyh, a ci.

Na innpaw kha rawsete ahme leipaw ccaekia lang na tang lan khyh.

Milae zu kya khyhze milae vawpaw kya na sei lan khyh.

Ccungccaw na theih lan khyh.

Na ruh lan khyh.