Popular Bible Verses from EXODUS 10

Share

Oute BAWIPAW nynh Moses kha, “Faro kalan la cceih; pawccecize kamaw kya-e muihsahnaw hae kha minmin kya langsaku ka ry keiccuze Faro te a ryalahtu bawi hae mih lung kha ka khungsah vae hae, Tuh-e tuh Izip hae kha a ngaeepaw ccungccaw lang pawtemou ka rae hae cipaw te minmin kya pawcihawpaw ngaeangnaw mou ka rae cipaw kha nae ccaaw hae te nae mintaw hae kha na hopah oh zah, tuhcite kae tuh BAWIPAW nynh ka thua cipaw nae nyh cih oh,” a cipya.

Oute BAWIPAW nynh Moses kha, “Izip ram balyn kya mohnaw a um nawlan te tuh-e mohnaw tuh hae khopaw mohnaw athua nawlan, na kuih kha vaawlang khe dyngtua,” a cipya. Tukeiccuze Moses nynh a kuih kha vaawlang khe dyng zah varyng zipingpaw mohnaw tuh Izip ram kya nin thum lungkhu a um. Izip hae tuh lu kheit te lu kheit muihkuh kho khyh hae, nin thum lungkhu mih umnaw kyate thokuh kho khyh hae; thuasalama Israel hae balyn tuh mih umnaw kya awnaw a mue hae.

Tukeiccuze Moses nynh Izip ram vawlan khe a kuih a dyng, te BAWIPAW nynh tuh-e nin kya khuazi khuadae nithua lang e khisan kha a zawsah; awkhua he yn thua tuh, nithua lang e khisan nynh tungkhipaw hae kha oun thuakhae vae hae. Tungkhipaw hae tuh Izip ram balyn kya oun thua hae zah Izip ram pynpi kya a um hae, tuhcih alungpaw tungkhipaw phu hae tuh langmaw zemah um boi khyh zah malang zemah um boi vae lan khyh.