Popular Bible Verses from Pwovèb 26

Share

Pa reponn moun sòt yo menm jan yo pale a, pou ou pa parèt sòt menm jan ak yo. Reponn moun sòt yo dapre jan yo pale a, w'a fè yo wè se moun sòt yo ye.

Menm jan yon chen tounen vin manje sa li vonmi, se konsa moun san konprann yo ap toujou fè sa y'ap fè a.

Kote ki pa gen bwa, pa gen dife. Kote ki pa gen tripòt, pa gen kont.

Moun k'ap tann pèlen pou lòt se yo menm k'ap pran ladan li. Moun ki konmanse woule wòch la, se li menm ankò wòch la ap kraze.

Gen plis espwa pou yon moun ki san konprann pase pou yon moun ki mete nan tèt li li konprann.

Moun k'ap foure bouch nan koze ki pa gade l, se tankou moun k'ap rale ke chen li jwenn sou gran chemen.