Popular Bible Verses from Eklezyas 3

Share

Gen yon lè pou chak bagay. Gen yon tan fikse pou chak bagay k'ap fèt sou latè.

Gen yon tan pou ou fèt, gen yon tan pou ou mouri. Gen lè pou plante, gen lè pou rekòlte, lè pou ou touye, lè pou ou geri, lè pou ou kraze, lè pou ou bati.

Gen lè pou kriye, gen lè pou ri, gen lè pou nan lapenn, gen lè pou nan fèt, lè pou ou kouche ak madanm ou, lè pou ou pa kouche ak li, lè pou nou fè karès, lè pou nou pa fè karès.

lè pou ou dechire, lè pou ou koud, lè pou ou rete san pale, lè pou ou pale. Renmen gen lè li, rayi gen lè li. Gen lè pou lagè, gen lè pou lapè.

Gen tan pou genyen, gen tan pou pèdi. Gen lè pou fè lajan, gen lè pou depanse lajan

Mwen konnen tou sa Bondye fè, yo la pou toutan. Ou pa ka mete anyen sou li, ni ou pa ka wete anyen ladan. Bondye fè sa konsa pou lèzòm ka gen krentif pou li.

Mwen di nan kè mwen: Bondye ap jije ni bon ni mechan. Paske chak bagay gen jou pa yo. Gen yon tan pou tou sa w'ap fè.