Popular Bible Verses from Romans 2

Share

Chiya maak wii, niwiichewaakan, chitihtuuten uyuuh chekwaayuuh taan aniyuuh e ishi wiyaaskunitwaau kutakach e ihtuutahkwaau. Chititeyihten aa che miyaaskamut Chishemanituu uwiyaaskunichewin uu e ihtiyin. Naashch taapwe chishewaatisiyuu Chishemanituu. Nakaawiyuu chechii wiyaaskunisk kaye naashch taapwe chisiipiiwesiistaakw. Chekwaayuu wehchi maayeyimat, aniyuu maak e ishpish miyeyihtaakusit. Namui aa chichischeyihten chekwaayuu wehchi chishewaatutaask. Chinituweyimukw chechii mihchiiweyihtamut taan e ishi machaatisiyuut ekw maak chechii kweskaatisiyuut.

Eukw maak uu wehchi ekaa mitun ishinaakuhch chechii wiyaaskunit awen. Wesh chiishpin e wiyaskunitwaau awenichii, chiya maak e ihtuutamuwane aniyuu kaa ishi wiyaskunitwaau, chiya tipiiwe chinishuuwanaachimisun.

Wesh misiwe e itiskaanesiyich aweyuu peyakunihch ishi kanawaapameu Chishemanituu.

Wesh taapaa anit e pehtahk awen Moses uwiishuwewiniyuu kata uhchi kuiskunaakusuu Chishemanituu ishi e ihtaayich. Ihtuutahke taan e itashteyich anit ekut che uhchi kuiskunaakusit Chishemanituu ishi e ihtaayich.

Wesh misiwe aweyuu aniyuu taan kaa aihtiyich kata ihtakuniyuu taan che ishi wiyaaskunaat.

Ekw aniyuu kutak aweyuuh mikw wiyawaau kaa maamituneyimisuyich ekaa mitun kaa aapateyihtamiyich aniyuu taan e ishi kuiskunaakuniyich chechii ihtuutamiyich, pisikw kaa machituutamiyich, eukun uyuuh maauch aahkwaayaach che ishi wiyaaskunaat Chishemanituu.

An maak e ishpish suuhcheyimuwiin mikw chitihtuuten etituu aahkwaach chechii ishi wiyaaskunisk Chishemanituu aniyuu e chiishikaayich taanit cheshtinaash kuiskw che ishi wiyaaskunaat aniyuuh kaa machituutamiyich.