Popular Bible Verses from Romɛ 3

Share

dɛ‑nʋɛ' ʋʋ ‑wee' "klein nʋɛ dɛsaʋn. Ʋʋ se ‑tɩ' o po ka nɩ‑ 'de Kea "jri 'de. 'Kaa Kea nʋɛ ʋʋpʋ 'saaʋn "jrii ‑wɛe ʋʋ 'kpa "isrɛʋn foo" 'ʋn, dɛ‑nʋɛ' Sesi Klisɩ seie ʋʋpʋ 'de dɛsaʋn 'kwa.

'Kaa kaan ka a, Kea 'a 'diwɔnmɔa' poɛ "jri "kpae' 'de nyɔ "o nyɔ ‑ɔ ‑jea Sesi Klisɩ 'a ‑tɩ' tɔ' 'ʋn ‑pee. Ka Kea nʋa nyʋ "isrɛʋn posʋn 'bo ɛ "juɔi ɛ, ɛ to ɛɛ' sʋn 'mɛ. Kea 'a kɛ' ke ɛɛ' wlu 'kwajaaʋn 'tmʋ ɛɛ' ‑tɩ' 'mɛ ‑ke tɛin"

Ɔmɔ Kea ‑te 'o, 'de ɔɔ' nymɔ 'wla i. Dɛsaʋn 'a ‑kao ‑ɛ ‑jea nyiɔ 'ʋn ‑craa 'de ɛ, ɛmɛ ‑craa Sesi 'ʋn 'bo nyiɔ 'ɔ ‑kɔi". ‑Wɛe nyʋ ‑jea ɔɔ' 'mɛ ‑tɩ tɔ' 'ʋn ɛ, ɔ nɩ ʋʋa' 'sraadɛ 'bo Kea "juɔi ‑wɛe ʋʋa' dɩsaɩn ‑kwɛ‑. Ka Kea nʋa ‑wɛe ɛɛ' 'pee kpʋan dɛsaʋn ɛ, 'kamɔ ‑nao. Dɩsaɩn nyʋ nʋa tɛin" ɛ, ɛ se ʋʋpʋ ɩa' 'pee kpʋʋn‑, ɛ kuuɛ tɔ' i mamaʋ 'sʋ ɛ je 'e ‑sɩanwɩ jɛɛ‑ ‑wɛe ɛɛ' 'pee 'jesʋn ‑srɛai" ɛ po "jri "kpae' 'bo Sesi Klisɩ "kpei 'de nyɔ ‑ɔ ‑kpʋan' Sesi 'a 'mɛ ‑tɩ sɩn 'sɔɔn 'de ɔ pɛe o ɛ, ɔmɔ Kea 'daa‑ "isrɛi 'bo ɛ "juɔi.

Nyɔ ‑ɔɔ kɛ' wɔn 'jea' 'jeɛ nʋ ‑wɛe ‑ɔ ‑jea "isrɛi 'kpa 'bo Kea "juɔi, ɔ se nɩ‑. Dɛ kɛ' ɛ tɔɔa nyɔ ɛ, ɛmɛ ‑nɩ ɔ nɩɛ dɛsaʋn nʋi.

Dɛ ‑crɩɩa' 'de Kea 'a 'sbɛ 'di ɛ 'naa : Nyɔ jrɔ' se "isrɛ, "isrɛi due' koʋn ‑gbai' ka se nɩ‑. Dɛ 'mii 'wɔin jrɔ' se nɩ‑. Nyɔ jrɔ' ɔ ‑pɔn Kea i. Nyʋ ‑wee' "klein siɛ 'kwla. Ʋʋ ‑wee' 'a pɛe ‑sɔɔn'. Nyɔ jrɔ' 'ɔ ‑pɔn dɛ 'dɔe nʋa' i. Dɛ 'dɔe nʋi due' koʋn ‑gbai' ka se nɩ‑.

dɛ‑nʋɛ' ‑bo nyiɔ 'je "isrɛi 'kpa 'bo Kea "juɔi ɛ, ɛ 'de ɔɔ' Sesi ‑kwlɩ" ‑tea' 'ʋn ‑o, ɛ se 'e ɔɔ' kɛ' wɔn 'jea' 'ʋn nɩ‑.

Nyʋ ‑wee' 'jeɛ juo ‑o ka Kea nɩa tɔ' ‑wɛe nyiɔ nɩa sɩ 'tmʋɩ ɛ. Dɛ ‑crɩɩa' 'de Kea 'a 'sbɛ 'di, 'kamɔ ɛ 'da, ɛ 'naa : Dɩ "klein ɛɛ' wlu a 'tmʋa ɩ nɩɛ tɔ' ‑tɩ. ‑Bo ɛ ke nyiɔ 'tmʋ ‑tɩ' ɛ, ɛmɛ ‑ble ‑kɩn, ‑wɛe ɛɛ kpa tʋ 'a "jru.