Popular Bible Verses from Mixo 4

Share

Hamma xalqlar oʻz xudolariga ergashaversin, Biz esa abadulabad Egamiz Xudoning yoʻlidan yuramiz.

Koʻplab ellar keladi, Ular shunday deb aytadi: “Qani, yuringlar! Chiqaylik Egamizning togʻiga! Qani, yuringlar! Boraylik Yoqubning Xudosi uyiga! Toki U bizga oʻrgatsin Oʻzining yoʻllarini, Toki yuraylik bizlar Uning soʻqmoqlaridan.” Axir, Egamizning kalomi kelib chiqar Quddusdan, Ha, Xudoning taʼlimoti kelib chiqar Siondan.

Shunday kunlar keladiki, Egamizning uyi turgan togʻ Togʻlarning eng yuksagi boʻlib qaror topadi. Bu togʻ hammasidan ham baland boʻladi, Xalqlar u yerga daryoday oqib keladi.

Egamiz hukm qiladi koʻp xalqlarning orasida, Ajrim qiladi olisdagi kuchli millatlar orasida. Qilichlarini aylantirishadi omochga, Nayzalarini esa tok qaychilariga. Qilich koʻtarmaydi bir–biriga xalqlar, Hech qachon jang qilmaydi ular.