Popular Bible Verses from Ishayo 9

Share

Mana biz uchun bola tugʻildi, Oʻgʻil bizga berildi. Hukmronlik Uning zimmasidadir, Nomi Ajoyib Maslahatchi, qudratli Xudo, Abadiy Ota, Tinchlik Shahzodasidir.

Zulmatda yurgan xalq yorqin ziyoni koʻrdi, Oʻlim soya solgan yurt aholisi ustiga nur sochildi.

Dovudning taxtida Uning hukmronligi ortib boradi. Tinchlik to abad hukm suradi. Hozirdan boshlab, to abad U adolat va haqiqat ila Shohligini mustahkamlab, barqaror qiladi. Sarvari Olam jon kuydirib, Buni bajo aylaydi.

Jangda kiyilgan etiklar, Qonga belangan hamma kiyim Olovga tashlanib, yoqilajak.

Kulfat qamragan bu yurtda endi azob boʻlmaydi. Oldin Zabulun va Naftali yurti sharmanda boʻlgan edi. Ammo kelajakda dengiz boʻyidagi yerlar, Iordanning narigi tomonidagi oʻlka va gʻayriyahudiylar Jalilasi ulugʻlanadi.

Bu xalqni Sen koʻpaytirgansan, Ularga koʻp shodlik ato qilgansan. Hosil vaqtidagi mamnunlik kabi, Oʻljalarin boʻlishib olgan paytdagi kabi, Ular huzuringda quvonchga toʻlgan.

Bu xalqning ogʻir boʻyinturugʻini, Yelkasidagi tayogʻini Sen sindirib tashlagansan. Zolimlarning kaltagini Midiyon xalqi kabi, Magʻlub qilgansan.