Popular Bible Verses from Doniyor 9

Share

Men Egam Xudoga ibodat qilib, xalqimning gunohlari uchun shunday deb tavba qildim: Yo Rabbiy, Sen buyuk va haybatli Xudosan! Seni sevib, amrlaringga rioya qilgan bandalaringga Sen ahdingni sodiq saqlaysan.

Ey Xudoyim, quloq solib, nolalarimizni eshitgin! Koʻzingni ochib, biz tortgan jabrni koʻrib qoʻygin! Shaharning ahvoliga bir qara, axir, u Sening noming bilan atalgan–ku! Biz Sening marhamatingga loyiq boʻlmasak–da, Oʻzingning cheksiz rahmdilliging tufayli bizga shafqat qil. Yo Rabbiy, nolalarimni eshitgin! Yo Rabbiy, bizni kechirgin! Yo Rabbiy, iltijolarimni eshitib yordam bergin! Hurmating haqi shoshilgin, chunki bu shahring va xalqing Sening noming bilan atalgandir, ey Xudoyim!

Shunda men Rabbiy Xudoga yolvordim, roʻza tutib, qanorga oʻrandim, kulga belanib, iltijo qildim.

Yo Rabbimiz Xudo, biz Senga qarshi bosh koʻtargan boʻlsak ham, Sen gunohlarimizni kechiruvchi, rahmdil Xudosan.

Oʻsha hukmdor koʻp xalqlar bilan bir karra yetti yilga kuchli bir bitim tuzadi. Oʻsha vaqtning yarmi oʻtgach, qurbonlik va nazrlarga chek qoʻyib, Maʼbadda makruh bir narsa oʻrnatadi. Bu narsa koʻp harom–xarish ishlarga sabab boʻladi. Bu ahvol Xudo belgilagan kungacha davom etadi. Oʻsha kuni shahar bilan Maʼbadni vayron qilgan hukmdorning kuni bitadi.»”