Popular Bible Verses from Room 10

Share

Di i ŋɔwɔɔ lugɔ “Yeesu ɛɛ i Dɔɔrii,” di kaa yardi Kɔraawiizi i bampirii biini lugɔ u lalluubuu siu biini, Kɔraawiizi daŋ lɛɛi

dikuubɛɛwiai, gunla nɛra n ɔɔ yardi Kɔraawiizi ba bampiree biini wiarɛ u ɔɔ gil ba wia deŋli u be. Ba nuuzi n bagli ba yarda la wiarɛ u ra lɛɛ baa.

Yarda ɔɔ lii wiŋɔzi la yaa n nuuwɛ biinii. Wiŋɔzi la ge ɛɛ Kristo wia la.

Kɔraawiizi Hɔŋ kaa ŋɔ, “Nɛr la maa n haŋ yarduu wàá bir di hiihzi,” dikuubɛɛwiai, Kɔraawiizi waa baŋhina a tɔgzi kaali baŋhina. Banla n ɛɛ Jus hina ni banla n waa Jus hina ɛɛwɛ maa ɛɛ kpannɛ u be. Ba maa Dɔɔri ɔɔ nuu banla maa n na yir u sɔnnɛ, di ra hiini ba maa werge maa. Dikuubɛɛwiai, Kɔraawiizi Hɔŋ ŋɔwɔɔrɛ, “Nɛr la maa n niŋ yir Kɔraawiizi sɔŋ, ú lɛɛu, u daŋ lɛɛu.”

Di Kɔraawiizi waa nɛra hummɛ, ɛrɛɛ á nɛra ɛɛ di wer bagli u wiai? Ií nuu gunla baŋ faa sɛbɛɛ Kɔraawiizi Hɔŋ biini. Ba ŋɔwɔɔrɛ, “Nɛra la n ɔɔ vol ra lizi amaniyesuma la balaa ɔɔ du wer ninɛɛ werge.”

Ka di ba wɔɔ yardɛɛ, ɛrɛɛ bá ɛɛ di wer yir u sɔŋ ú lɛɛ baai? Di ba haa waa u wia nuuwɛ ge, ɛrɛɛ bá ɛɛ di wer yarduuwɛi? Di nɛr maa waa u wia ra bagli, ɛrɛɛ bá ɛɛ di wer nuu u wiai?

Kristo tuŋ Gbɔg la wiarɛ, ka gil nɛra maa wia wer deŋli Kɔraawiizi be dikuu baŋ yarduu wia.