Popular Bible Verses from Wiɛɛlaa 2

Share

Pitta ŋɔ ba be, “Ií maa gil ii biine chɔgi dikuu ii wichɔgaa wia, di gilaa ta, ka ba ya sɔ ia Kɔraawiizi nii, ií ra hiŋ Yeesu Kristo. Di ii ɛɛ guŋ, Kɔraawiizi daŋ gil ii wichɔgaa tɛɛ ia, ka kpa u Dumnanii la sunzi ia.

Ba ɔɔ chaali ba be ni bampirkpaŋ di ra helli Yeesu wia u huŋhunna la be. Ba maa ɔɔ chaali bɔkpaŋ di ra di, di ra jaami Kɔraawiizi.

Denii Kɔraawiizi Dumnanii izi baa, ba ra mɔɔ mɔɔdumazi di lii u fɔŋŋa la un tɛɛ baa la biini.

Ban du de la, ba nuu kɔɔi bɛl n na kɔɔ chiŋ di wa zuu di ra kɔɔ dia la baŋ soge la biini maa, alugɔ pezeŋ n na ta. Ba binni di na kuna aŋhina n na lau lugɔ ninlau. A izi di yaari a dia biini hina maa ni di sagzi ba maa nyuuni ni. Denii Kɔraawiizi Dumnanii izi baa, ba ra mɔɔ mɔɔdumazi di lii u fɔŋŋa la un tɛɛ baa la biini.

Hɔpizii maa, ba ɔɔ chaali Kɔraawiizi Dia di ra jaamuu, ka kaa ra la dɔŋa diini di gaa di ani bɔsɔna ni biinihuŋŋu, di ɔɔ ra tɛɛ Kɔraawiizi sɔŋ. Nɛr maa ra tɔgzi baa. Kɔraawiizi ra lɛɛ nɛfalaa hɔpizibii maa. Ba ba waa jaa Yeesu hiŋra la ni.

Kɔraawiizi ŋɔwɔɔrɛ, ‘Di durnya tunaa hɔpizaa waa pizi, n daŋ kpa n Duma du nɛra maa ni a saŋa. Ii biibaala ni ii biihaana maa daŋ ŋɔ wia n fɔŋŋa biini, ii biipɔllaa na wia aŋhina alugɔ deeza biini, ii bazɛŋzi gba a deezi deeza.

Banla maa n yardi Yeesu la dɔɔ nuukpaŋ dɔŋa ni werge, di ɔɔ chaali di ra bɔnni ba kuna ra tɛɛ dɔŋa, di ɔɔ yoo ba kuna di kpa a kebee di bɔnni a hel ba maa, di kukki baa.

A saŋa, nɛr la maa n niŋ yir n sɔŋ ń lɛɛu ha, n daŋ lɛɛ a hiŋ ha.’

Wiizi daŋ bir biri, baagu ge bir aah lugɔ chal ka n Hɔpizii la haa hel.