Popular Bible Verses from Wiɛɛlaa 1

Share

Ama, di Kɔraawiizi wa kpa u Dumnanii la du ii ni, ii daŋ na fɔŋŋa di birgi n daansɛɛ hina Jɛrusalɛm ni Juda hɛri maa ni Samaria hɛri ni durnya maga maa biini gba.”

Yeesu ŋɔ, “Wiimaa fɔŋŋa du Kɔraawiizi benii. Waabuu niŋ tɛɛ wiimaa saŋa ú ɛɛ. Ii wia lɛi saŋazi zumaa.

Un du ba be la, u ŋɔ, “Ií gilɛɛ waa lii Jɛrusalɛm mɔɔ. Ií du de di ra kpaŋ kunla n Mɛɛ Kɔraawiizi n faa ŋɔ nua lugɔ u daŋ sunzi ia la. N faa bagli iabuu u wia. Jɔɔn Kɔraawiizi Niisɔɔri n faa ra sɔ nɛra Kɔraawiizi nii la, niirɛ u faa kpa ra sɔ baa. Ka di a wa ɛɛ tama, Kɔraawiizi daŋ kpa u Dumnanii du ii ni. U ge sɔirɛ guŋ.”

Uŋ izi lii siu biini, hɔpizaa tokkoanɛɛbuu u du ba be ka Kɔraawiizi wa kpau kaali u bol. A hɔpizaa biini ɔɔ kutti ba ba be, di gil ba ra nau di ra zumuu nɛnnɛ. U ɛɛ gunnɛ bá gilɛɛ kaa ra aanuu di ra di hɔɔzi u siu biini izaa wia. Ba siwee ɔɔ nau. U ni baa ra ŋɔ Kɔraawiizi Kora wia.

Uŋ wa ŋɔ guŋ tuŋ, Kɔraawiizi kpau di ra kaali chiŋ. Ba maa ra binnuu guŋŋ, baama ga tɔ u ni. Ba wɔɔ kaa na

ka haa ra binni de tiiih, di baala banɛɛrɛ wa chigɛ ba be di tɔ wɛjɛhuŋŋa, di pɛɛzi baa, “Galilii hina, bɛɛwiarɛ ii chaali chi ɛŋ di ra binni chiŋ gunnɛi? Yeesu naa Kɔraawiizi n kpawɛɛ lii ii be kaali chiŋ naa, u daŋ ŋmɛnɛ kaa ba gunla iin nau unna kaali naa.”