Popular Bible Verses from ལོ་ཀུ 5

ཁོང་གིས་ཆོས་གསུངས་ཚར་རྗེས་སི་མོན་ལ་འདི་སྐད༌དུ། མཚོ་གཏིང་ཟབ་པའི་གནས་སུ་གྲུ་སྐྱོད༌ཅིག དྲ་རྒྱ་འཕངས་ནས་ཉ་ཟུངས་ཤིག་ཅེས་གསུངས་པ༌དང༌།

སི་མོན་ན༌རེ། སྟོན་པ༌ལགས། ངེད་ཅག་གིས་ཞག་གང་བོར་དཀའ་སྡུག་མྱངས་ནའང་ཅི་ཡང་མ༌ཟིན། འོན་ཀྱང་ཁྱེད་ཀྱིས་གསུངས་པ་བཞིན་དྲ་རྒྱ་མར་གཏོང་བར་བྱ་ཞེས་སྨྲས༌ཤིང༌། ཁོ་རྣམས་ཀྱིས་དེ་ལྟར་དྲ་རྒྱ་བཏང་བ་དང་ཉ་ཤིན་ཏུ་མང་པོ་ཟིན་ཏེ་དྲ་རྒྱའང་ཆད་ལ་ཉེ་བ་ཙམ་བྱུང༌བས།

ཁོང་ནི་ནམ་རྒྱུན་ལྟར་གསོལ་བ་འདེབས་ཕྱིར་དབེན་གནས་སུ་ཕེབས༌སོ།།

བདག་ནི་མི་གཞུང་དྲང་རྣམས་ཀྱིས་འགྱོད་བཤགས་བྱེད་པའི་ཕྱིར་ཁོ་རྣམས་འབོད་དུ་འོངས་པ་མ་ཡིན༌པར། མི་སྡིག་ཅན་རྣམས་ཀྱིས་འགྱོད་བཤགས་བྱེད་པའི་ཕྱིར་ཁོ་རྣམས་འབོད་དུ་ཡོང་བ་ཡིན་ཞེས་གསུངས༌སོ།།

སི་མོན་པེ་ཏྲོས་དོན་དེ་མཐོང་ནས་སྐྱབས་མགོན་ཡེ་ཤུའི་ཞབས་དྲུང་དུ་ཕྱག་བཙལ་ཏེ་འདི་སྐད༌དུ། གཙོ་བོ༌ལགས། བདག་ནི་མི་སྡིག་ཅན་ཞིག་ཡིན༌པས། ཁྱེད་རང་ང་དང་བྲལ་ནས་ཕེབས་རོགས་ཞེས་ཞུས་སོ།།

སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། ལུས་ཁམས་བདེ་བའི་མི་ཡིས་སྨན་པ་བསྟེན་མི་དགོས་མོད། འོན་ཀྱང་ནད་པས་ད་གཟོད་སྨན་པ་བསྟེན་དགོས་པ་ཡིན།

དེ་རྣམས་ཀྱིས་ཀྱང་མཚོ་གྲུ་གཉིས་པོ་མཚོ་འགྲམ་དུ་བསྐྱུར་བ་དང་ཐམས་ཅད་སྤངས་ནས་ཁོང་གི་རྗེས་སུ་འབྲངས༌སོ།།

སྐྱབས་མགོན་ཡེ་ཤུ་ཡུལ་དེའི་གྲོང་རྡལ་ཞིག་ཏུ་བཞུགས་པའི་དུས༌སུ། ལྟོས་དང་། ལུས་ཡོངས་ལ་མཛེ་ནད་ཀྱིས་ཟིན་པའི་མི་ཞིག་གིས་ཁོང་ཉིད་མཐོང་བ་དང་ཕྱག་བཙལ་ཏེ་ན༌རེ། གཙོ་བོ༌ལགས། གལ་ཏེ་ཁྱེད་ཐུགས་མཉེས་པ་ཡིན༌ན། ཁྱེད་ཀྱིས་ང་རང་གཙང་མར་མཛད་ནུས་པ་ཡིན་ཞེས་ཞུ་བ་བྱས་པ༌ལ། ཁོང་གིས་ཕྱག་བརྐྱངས་ནས་མི་དེར་རེག་པ༌དང༌། ང་རང་འཐད་པ་ཡིན། ཁྱོད་རང་གཙང་མར་གྱུར་ཅིག་ཅེས་གསུངས་མ་ཐག་མི་དེའི་མཛེ་ནད་སོས་སོ།།

འོན་ཀྱང་ཁོང་གི་མཚན་སྙན་གྲགས་སྔར་ལས་ཀྱང་ཤིན་ཏུ་རྒྱས༌པས། མི་སྐོར་ཚོ་མང་པོ་ཁོང་གི་གསུང་ལ་མཉན་པ་དང་རང་གི་ནད་གསོ་བའི་ཕྱིར་གནས་དེར་འདུས༌ནའང༌།