Popular Bible Verses from Tyai Á̱zanson 10

Share

Jen nang a̱ta̱m tswa A̱gwaza a̱natat wu ntyiap a̱gwa nggu ka a̱ni, kyang hu nang A̱gwaza la̱p a̱ sak di̱ niat a̱ni, na bai da̱ a̱nu ka! Ku na bai cha̱chaat ma̱nang gu ku mi̱ ntak ma̱ng á̱khwo nggu ba, ba̱ yet a̱yaata̱m a̱kwonu nggu ba a̱ni!”

A̱jawa á̱ si̱ bu nyia̱ ma̱ng a̱nung, “Ku yet ta hwa, a bu shei kyang ku chobai á̱zanson tazwa nnwap, bibyin, lilyem, ma̱ng á̱gwam ma̱ a̱di̱di̱t a̱ni!”

N si̱ bu ndi a̱nga̱ri̱m a̱ta̱m tswa A̱gwaza a̱ghyang neet Ma A̱gwaza tswazwa, nang á̱ni̱nian tyong gu á̱ keang; ma̱gaji malei si̱ tyong a̱ keang a̱pyia̱ nggu ka! A̱wot a̱ghyi nggu ba si̱ sai nang mam a̱ni, a̱ti̱tak nggu ba si̱ li nang a̱yaalam ndong a̱ni!

Mat a̱nia, n si̱ nat da̱ a̱vwuo a̱ta̱m tswa A̱gwaza wu. N si̱ ndyip gu nyia̱ gu nwuak nung a̱da̱dei ta̱ka̱da wu nang á̱ kut di̱n shan a̱ni. A̱ si̱ nyia̱ ma̱ng a̱nung, “Ngga! San a yaa! Ku na swan nya̱nyiat a̱bwonu ang ka nang tong a̱ni. A̱wot ma a̱fa ang ka, ku na swan sa̱sat!” N si̱ nsan a̱da̱dei ta̱ka̱da nang á̱ kut di̱n shan a̱ni mbwak a̱ta̱m tswa A̱gwaza, n si̱ ngya! Ku si̱ swan nya̱nyiat a̱bwonu nung ka nang tong a̱ni. A̱wot nang n nnwuan a̱ni, ku si̱ swan nung sa̱sat ma a̱fa ka.