Popular Bible Verses from 2 A̱korontiyawa 9

Share

A̱wot A̱gwaza byia̱ shok a̱ ka̱u nyin kuzang kyang nang nyi chat a̱ni gba̱mgbam ma̱ng fwuo nyiung; da̱nian kuzang jen, nyi ka byia̱ kuzang kyang nang nyi chat a̱ni, a̱wot nyi byia̱ nhu gba̱mgbam, nyi ka̱u á̱ghyang á̱niet ba̱ sang a̱ni.

Si̱ konyan ma̱ nyin a̱ nwuak di̱ si̱sak ji nang fwuo nggu nkyiak a̱ni. A̱wot nyi yok nwuak kurum ma̱ng a̱gi̱n, ku nyi nwuak di̱ khwo bah. Mat á̱ lyuut nyia̱, “A̱gwaza ni̱ fa̱k nyinyang a̱tyu a̱ nwuak ma̱ng fwuo nyiung a̱ni.”

Nyi yok bwung a̱man tyap kani bah; a̱tyu khap a̱ chyui zwá yak ji mi̱ shi̱shi̱p a̱ni, a̱ na chak yak ma̱ a̱da̱dei. A̱wot a̱tyu khap a̱ ma chyui zwá yak ji gba̱mgbam a̱ni, a̱ na bwuo yak gba̱mgbam.

Mat A̱gwaza wu wa nwuat a̱tyu khap wu zwá yak ji gu chyui. A̱wot a̱ bu nwuak nggu kyayak nang gu na ya a̱ni. Ma a̱nia wa, A̱gwaza bu na nwuak, a̱wot a̱ mbeang nyin bwuo yak gba̱mgbam. Da̱nian nyi ka mbeang á̱ghyang á̱niet ba̱ sang a̱ni gba̱mgbam ma̱ng fwuo nyiung. A̱tsak a̱lyiat, A̱gwaza na tyia̱ nyi yet á̱niet nzwá di̱ kuzang vak. Mat nyi ka ka̱u nkyang nang nyi byia̱ a̱ni ma̱ng fwuo nyiung. A̱wot jen nang zi̱ na nnat ma̱ng za̱nang kurum nyin ji da̱ a̱vwuo á̱niet ba̱ sang kyang a̱ni, ku na tyia̱ á̱niet a̱bya ba̱ gwai A̱gwaza ba̱t.

Zi̱ gwai A̱gwaza wu da̱nian za̱nang nggu jini, ji̱ yet kyang a̱ga̱de hwa da̱nang a̱tyubishyi si̱ mi̱n dyiat a̱ni bah!