Popular Bible Verses from Yakubu 3

Share

Aya ni̱bu bi̱bu ki̱ni kasan ti̱tu ki̱chiredu a di̱Kwamatu, a kabi kwangi wa̱la̱k, ti̱nti̱ne ki̱bedu ki̱ni li̱mang we ni̱bu, ki̱ni bubbuke ni̱re, yo ki̱ma chite ki̱kurti̱nu ko bi̱kam ni̱bu we, a ri ki̱ni ki̱bune n ti nangi̱n chitu ka ti̱yili kwang, a yungbu lakaku, a kerabu ti̱kuran chitu ti̱nti yurab yinu n chi a buti̱bu ni̱bu.

Wuka we tibe chi̱n wu ki̱ni kasan wu ki̱ni ti̱kuran we kangu n Kwama ki̱badu ni ma fi swenga? Ya yayu wu a lele yinange, ke a yung da̱ wuyile ko we si̱ki̱ku durang kangu yinangu n Kwama ki̱badu ni ma fi swengu, yinu mwang kau naba kasane.

Ni̱bu ki̱bau li̱mangu a swedu we ni̱bu yinang naba kuuwe wu a fi duum li̱mang a ti̱me, yinu ki̱kau chi ti̱yili we kakku Kwamangu.

Nangki̱n, ka nang wuwule fiye wu ni̱bu ki̱ni kubeku n ti bi̱bu ki̱bau ka dur chinmu, a ne duum mweki̱ni̱mu n ti ka bi̱bi̱le dum da wubwila ne mwang yadu we fikomu we.

Nang chi ni dela ti̱ Kwama wu n ki̱n nang Te chire, nangti̱ chi ni turan ni̱bu n Kwama a mub yinang ki̱ni̱mu. Ni dela Kwama ki̱ni yii, ni turati̱ ni̱bu ki̱ni yii. Wule kebu, a dakabu a no ka kaddi ying.

Ben ni̱nu yinang ki̱rangi nga̱lngalang. A ri ki̱ni kana nabwe muli̱n di̱kwanang. Nang benu we bwi chi̱renu yinu ki̱kai bwi ki̱ni kwang. Ti̱nti̱n ki̱yo bwi chire kwang ka twidu a ki̱rang ke a kai ti̱kuri chi̱rentu a mwetuwe di bi̱be a lanta di bwa, yinu ki̱rangu ki̱bedu a di̱Setane ki̱twi ti̱nu.

Aya a ne nii a me a tau ben ki̱ne we. Ti̱nti̱ne chi ti̱kwani̱n a kebu a tabu dur ki̱nu, a ri ki̱ni yinang ki̱kwanangu nabwen wu ki̱wuwe bwa.

Kebu mi̱m ni̱bu bunti̱ki̱m, nabwen we ti̱be chi̱n a kadu bi̱bu ki̱ miya chim we, di̱ne ti̱yim tiko n chi̱ni bi̱bu ni ma miyaki̱mu n Kwama ka sii ti̱n ni̱r we mwataku chirengu.