Popular Bible Verses from Yakubu 1

Share

Kebi̱mi̱m, yo sweki̱ku a ya chine, ti̱ma ne furi mwen. Di̱ne ti̱yim, yo swa̱ka̱ku changu ka ride ka ta ki̱tabu we keku bi̱yili̱mang chi̱nge, ka yo muku ni̱rang changu ka duyedu.

Ka ni wu a kwala kasan we chitu n Kwama ki̱baddu ni madite, a bi̱u a di̱Kwama ke a miya ki̱mi̱n kasantu, n ki̱n ka ni̱n ti̱nu yi burtu. A ne kwabu wu ki̱ma di̱bi̱de.

Kebu mi̱m ti̱twar ya̱m bi̱bu mang fwadi̱mu, ka nang wuwule niye a sii ki̱tele we ya̱mu ni̱bu ki̱fwadi̱mu, ti̱fadu ya̱mu we daatu, ti̱madu ki̱fwiniwengi daatu.

Ti̱duba duyen, ta kau ni̱bi biin bi̱bi di̱mbi̱ri̱m bi̱bu a kwalabu chiim.

Ka ki̱ki̱le ki̱dange yo di̱kwa̱l Kwamanu mwan nwenu ma nangangi ki̱n, a mwituwe ta ma chitu a fwatu, ti̱ nwedu di̱kwa̱lu we ka nweku, ka yiko ti̱bu ka dutu chi̱n.

N Kwama a dela ni̱bu a mu ni̱ru we swa̱ka̱ki̱mu, di̱ne yo n chi a chau ki̱la we sweki̱ke n chi ka ya ki̱ti̱me ki̱diya kwadi a di̱Kwama wu a bwa̱u ka ni bi̱bu a mi̱la ki̱ni̱mu.

Ka nang ki̱ki̱le ki̱li̱mang ki̱yilangi di̱mbi̱li̱m ti̱me wuyile ni yadu a di̱Kwama Te wu a diye wu a yo ka nang ki̱ki̱le yiike wu diye. N ki̱n a sutebu a newe yinang yo ki̱wulang ni̱bang ki̱sutede yo ki̱yiye ki̱ ki̱re.

Di̱ne ka wuwule niye wu ki̱nwe di̱kwa̱l ya̱mi̱nu a bunti̱be a kau yinang ni a da̱ng ki̱wulang kabu kongu a mwe. A tiwe niwu a da̱ng kabu ko a mwe kuti̱n tiyangu n ki̱n wemi̱nangu yo a yikane a tabuti̱n yinangu n ki̱n we mi̱nangu.

Chitu n Kwama Techire ki̱badu ni̱bu ka made ke a li̱ma ki̱n ni̱re nang ki̱tu. Makaku bwesi̱m buni̱mu n ti nati̱m buni̱mu yo a le riye, yinu n ti woku bwiyang we a ti̱ti̱nitu.

Ka sweku a be ni mi̱ne wu ka yo ki̱nu ka ma ki̱le, ni a yiduwe ko, “N Kwama a swe mi̱n.” Ti̱nti̱ne a ne ni ka swe Kwama ki̱ni bwila we, di̱ne n Kwama a swebu ni ki̱ni bwila. Aya ka wuwule niye ki̱ya Swa̱ka̱ki̱ku we yo ti̱kuran ti̱bwilai ki̱ntu a tau ki̱n a bututi̱ ki̱ne.

Kasi ki̱ku ni̱bu a swa̱ban nii ki̱bunti̱ Kwama, ke wuko a nang mi̱ladu ko n Kwama a ri̱ka ki̱n.