Popular Bible Verses from Injil 6: Ruman 3

Share

Ḳaron, hoḳole-u guna ḳorse, Allar shan-tozollit hamanir shamorto ḳeuror nai. Oile Isa al-Mosie manshore gunar at taki basanir bebosta ḳorsoin, tain Allar rohomotor dan hishabe manshore be-ḳosur ḳoia goinno ḳorar fot ḳorsoin.

Ou fot oilo, Hozrot Isa al-Mosir ufre zera iman ane, ou imanor mazdi-u Allae tarare be-ḳosur ḳoia goinno ḳoroin. I befare Boni Israil ouk ba bin zati ouk hoḳol-u eḳ homan.

Zera tan ufre iman ane, al-Mosie tarar lagi nizor loure koforar kurbani dia Alla Pakre kushi korsoin. Ou nomunae Allae deḳaisoin, zudio tan nizor soborgarir lagi manshor furana gunar shaza dite deri korra, tebou tain hok-insafḳari. Ar oḳon tain ita deḳaisoin, zate forman oy, tain nize hok-insafḳari ar zera al-Mosir ufre iman anoin, tarare be-ḳosur ḳalas ḳoia goinno ḳoroin.

Ḳaron shoriot amol ḳorle-u, Allae manshore be-ḳosur ḳalas ḳoia goinno ḳoriliba, ila kunta nae. Oile shoriotor mazdi-u manush gunar befare hushiar oy.

Allar kalamo ase, Be-ḳosur bolte ḳeu nai, eḳzon-o nai; aḳoldar eḳzon-o nai, ḳeu Allar tallash ḳore na. Hoḳol manush be-foti oigese, hoḳol eḳloge naforman oigese, nek kam ḳore ila ḳeu nai, eḳzon-o nai.

Amra zani, Allae manshore tar imanor lagi-u be-ḳosur ḳalas ḳoia goinno ḳoroin, shoriot manar lagi nae.

Nauzubilla! Hoḳol manshe misa matle-o Alla to hamesha hok taḳoin. Fobitro Zobur Shorifo ase: Erbade-o forman milbo tumar zoban shoṭik, tumar fokke ray zaibo.