Popular Bible Verses from ইঞ্জিল ২৭: জাইরা কালাম 7

Share

বাদে আমি দেখলাম, পরতেক দেশ, হকল খান্দান, হকল জাতি আর হকল জাতর বুলিয়ে মাতরা বউত মানুষ দলা অইছইন, এরারে গনিয়া ফুড়ানির সাইধ্য কেউরর নাই। এরা ধলা লেবাছ ফিন্দিয়া খেজুর পাতা আতো লইয়া, হউ তখত আর মেড়া-বাইচ্চার ছামনে উবাই রইছইন।

তারা জুরে জুরে কইরা, “আমরার আল্লা যেইন তখতো বওয়াত আছইন, আর মেড়া-বাইচ্চার আতোউ, গুনার মাফি আর নাজাত আছে।”

তখতর মাজর মেড়া-বাইচ্চায়উ এরার রাখালি করবা। তাইন এরারে আবে-হায়াতর জিন্দেগি-পানির ঝরনার গেছে লইয়া যাইবা, আর আল্লায় এরার চউখর পানি ফুছিয়া দিবা।”

এরলাগি এরা আল্লার তখতর ছামনে আছে; তারা দিন-রাইত বেহেস্তি এবাদত খানার মাজে এবাদত-বন্দেগি কররা। আর তখতো যেইন বওয়াত আছইন, তাইন নিজে এরার উপরে তাম্বু টানাই দিবা। এরার আর কুনুদিন ভুক লাগতো নায়, পানির পিয়াছে ধরতো নায়; সুরুজর তেজ এরার গতরো লাগতো নায়, কুনু গরমও লাগতো নায়।

“আমরা যতবইল আমরার আল্লার গুলাম অকলর কপালো সীল না মারছি, অতবইল তুমরা দুনিয়ার, দরিয়ার বা গাছ-পালার খেতি করিও না।” বাদে আমি হউ সীল-চাপ্পড় মারা মানষর পরিমান হুনলাম। বনি ইছরাইলর হকল খান্দান থাকি এক লাখ চৌচাল্লিশ আজার জনরে সীল মারা অইছে।