Popular Bible Verses from আছমানি কিতাব: সুলাইমানি ছিল্লেখ 23

Share

পরেজগার পুতর বাবা যেইন, এইন বড় খুশি অইন, গিয়ানি পুতর জনম দেওরা, পুতর দায় সুখে রইন।

ধন-ছামানা দলা করাত, পাগল না অইও, দিলো থাকি অলা চিন্তা, হরাইয়া দিলাইও।

তেউগি তুমার ভবিষ্যতে, নিচ্চয় ভালাই আছে, তুমার মনর আশা-ভরসা, যাইতো নায় বিফলে॥

গুনাগারর লাখান তুমি, অইতায় না চাইও, খালি মাবুদর ডর-খফে, হর-হামেশা চলিও

হুরুতাইনরে শাসন করতে, এলা না করিও, ছিংলা দিয়া মারলে তো, জানে না মরিবো

তালিম-নছিয়ত হিকার লাগি, দিলরে নরম করো, আখল-বুদ্ধির বুলিরে তুমি, কান পাতিয়া হুনো॥

ধনর বায় একবার চাইলে, দেখবায় ইতা নাই, ডাখনা গজাই চিলর লাখান, বাতাসে উড়িয়া যায়॥

জনম দেওরা বাফর হুকুম, খিয়াল করি হুনো, তুমার মা বুড়া অইলেও, এলামি না করো।