Popular Bible Verses from আছমানি কিতাব: সুলাইমানি ছিল্লেখ 22

Share

হুরুতারে চলা হিকাও অলা পথে, বুড়া অইলেও ই পথ যানু না ছাড়ে।

নরম মন, মাবুদর ডর-খফে, ধন, ইজ্জত, জিন্দেগি আনে।

বউত ধন থাকি সুনাম ভালা, সোনা-রুপা থাকি সম্মান ভালা।

বদ-মিজাজি লোকর লগে, ভাইয়াফি না করো, জলদি যেগুর গুছা উঠে, তার লগে না মিলো।

দানকারি জনে রহম-বরকত পায়, নিজর খানি তো কাংগালরে বিলায়।

হুশিয়ার জনে বিপদ দেখলে লুকায়, বেআখল আগুয়াই গিয়া সাজা পায়।

ধনিয়ে খেমতা খাটায় গরিবর উপর, দেনাদার গুলাম বনে পাওনাদারর।

ধনি-গরিব হমান একটা বেয়াপারে, দুইও জনরেউ গড়িছইন মাবুদে।

গরিব জানিয়া গরিবর ধন, কাড়িয়া না নিও, মজলুম জনরে আদালতো, চুরমার না করিও। মাবুদে তো তারার মামলাত, তারার পক্ষে রইবা, তারার ধন নিছইন যেতায়, অতার জানরেও নিবা॥