Popular Bible Verses from ইঞ্জিল ৭: ১-করিন্থিয়া 2

অইলে আমরা জানি, আল্লার কালামে কয়, যারা আল্লারে মহব্বত করইন, তারার লাগি তাইন যেতা রাখছইন, ইতা কেউ চউখে দেখছে না, কানেও হুনছে না, দিলর মাজে কুনুদিন চিন্তাও করছে না।

যে মানুষ রুহানি মনোভাবর নায়, আল্লাই পাক রুহর মাজদি যেতা মিলে হে ইতারে কবুল করে না, কারন তার গেছে ইতা বেকামা। ইতা বেয়াপার হে বুজেও না, কারন ইতা রুহানি জগতর বেয়াপার, খালি রুহদি যাচাই করা যায়।

ইতা অখন তান পাক রুহর মাজদি আমরার গেছে জাইর করছইন। পাক রুহর অজানা কুন্তাউ নাই, তাইন আল্লার হকল বাতুনি বেয়াপারও জানইন।

আর আমরা তো দুনিয়াবি রুহ পাইছি না, বরং আল্লার তরফ থাকি তান রুহ পাইছি, এরলাগি তান দেওয়া নিয়ামত অকল আমরা চিনি।

আমার তবলিগ আর আমার বয়ানর মাজে মানষর মন জয় করার মতো কুনু আখল-হেকমত আর যুক্তি আছিল না, খালি আল্লাই পাক রুহ আর কুদরতি বল দেখা গেছিল। আমি চাইলাম, তুমরার ইমান মানষর আখল-ইলিমর উপরে ভরসা না করিয়া, খালি আল্লাই বলর উপরে ভরসা করে।