Popular Bible Verses from ꠔꠃꠞꠣꠔ ১: ꠙꠄꠖꠣ ꠘꠣꠝꠣ 1

ꠄꠞꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ, ꠀꠅ ꠀꠝꠞꠣꠞ ꠍꠥꠞꠔꠦ ꠀꠝꠞꠣꠞ ꠟꠉꠦ ꠝꠤꠟ ꠞꠣꠈꠤꠀ ꠝꠣꠘꠥꠡ ꠛꠣꠘꠣꠁ। ꠔꠣꠞꠣ ꠖꠞꠤꠀꠞ ꠝꠣꠍ, ꠀꠍꠝꠣꠘꠞ ꠙꠣꠈꠤ, ꠎꠣꠘꠥꠀꠞ, ꠝꠣꠐꠤꠞ ꠝꠣꠎꠦ ꠛꠥꠇꠦ ꠌꠟꠞꠣ ꠎꠣꠘꠖꠣꠞ, ꠀꠞ ꠀꠡ꠆ꠔꠣ ꠖꠥꠘꠤꠀꠁꠞ ꠃꠙꠞꠦ ꠛꠣꠖꠡꠣꠁ ꠇꠞꠃꠇ। ꠔꠣꠁꠘ ꠔꠣꠘ ꠘꠤꠎꠞ ꠍꠥꠞꠔꠦ ꠝꠣꠘꠥꠡ ꠙꠄꠖꠣ ꠇꠞꠟꠣ, ꠄꠇ꠆ꠇꠦꠞꠦ ꠘꠤꠎꠞ ꠝꠔ ꠇꠞꠤ ꠙꠄꠖꠣ ꠇꠞꠟꠣ, ꠙꠄꠖꠣ ꠇꠞꠟꠣ ꠛꠦꠐꠣ ꠀꠞ ꠛꠦꠐꠤ।

ꠀꠞ ꠔꠣꠞꠣꠞꠦ ꠛꠞꠇꠔ ꠘꠣꠎꠤꠟ ꠇꠞꠤꠀ ꠇꠁꠟꠣ, ꠔꠥꠝꠤꠔꠣꠁꠘ ꠚꠟꠀꠟꠣ ꠅꠁꠀ ꠛꠣꠠꠤꠀ ꠖꠥꠘꠤꠀꠁ ꠜꠞꠤ ꠎꠣꠅ। ꠖꠥꠘꠤꠀꠁꠞꠦ ꠡꠣꠡꠘ ꠇꠞꠅ, ꠀꠞ ꠖꠞꠤꠀꠞ ꠝꠣꠍ, ꠀꠍꠝꠣꠘꠞ ꠙꠣꠈꠤ, ꠝꠣꠐꠤꠞ ꠃꠙꠞꠦ ꠌꠟꠞꠣ ꠢꠇꠟ ꠎꠣꠘꠖꠣꠞꠞ ꠃꠙꠞꠦ ꠛꠣꠖꠡꠣꠁ ꠇꠞꠅ।

ꠙꠄꠟꠣꠃ ꠀꠟ꠆ꠟꠣꠄ ꠀꠍꠝꠣꠘ ꠀꠞ ꠖꠥꠘꠤꠀ ꠙꠄꠖꠣ ꠇꠞꠟꠣ।

ꠖꠥꠘꠤꠀꠁ ꠘꠤꠞꠣꠇꠣꠞ ꠀꠞ ꠈꠣꠟꠤ ꠀꠍꠤꠟ, ꠉꠁꠘ ꠙꠣꠘꠤꠞ ꠃꠙꠞꠦ ꠙꠥꠞꠣ ꠀꠘ꠆ꠖꠣꠁꠞ ꠀꠍꠤꠟ। ꠀꠟ꠆ꠟꠣꠞ ꠞꠥꠢꠥ ꠄꠞ ꠃꠙꠞꠦ ꠌꠟꠣꠌꠟ ꠇꠞꠔꠣ।

ꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ ꠚꠞ ꠅꠃꠇ, ꠀꠞ ꠚꠞ ꠅꠁꠟ।

ꠀꠟ꠆ꠟꠣꠄ ꠔꠣꠘ ꠙꠄꠖꠣ ꠇꠞꠣ ꠢꠇꠟꠔꠣ ꠖꠦꠈꠟꠣ, ꠁꠔꠣ ꠢꠇꠟꠔꠣꠃ ꠈꠥꠛ ꠜꠣꠟꠣ ꠅꠁꠍꠦ। ꠢꠣꠁꠘ꠆ꠎꠣ ꠉꠦꠟ, ꠛꠤꠀꠘꠅ ꠉꠦꠟ। ꠁꠇꠐꠣ ꠅꠁꠟ ꠍꠄ ꠘꠝ꠆ꠛꠞ ꠖꠤꠘ।

ꠀꠟ꠆ꠟꠣꠄ ꠖꠦꠈꠟꠣ ꠚꠞ ꠜꠣꠟꠣ। ꠔꠣꠁꠘ ꠀꠘ꠆ꠖꠣꠁꠞ ꠕꠣꠇꠤ ꠚꠞꠞꠦ ꠀꠟꠉꠣ ꠇꠞꠤꠀ

ꠄꠞꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ, ꠢꠥꠘꠅ, ꠖꠥꠘꠤꠀꠞ ꠃꠙꠞꠞ ꠢꠇꠟ ꠎꠣꠔꠞ ꠛꠤꠌꠀꠟꠣ ꠉꠣꠍ-ꠛꠤꠞꠤꠇ, ꠀꠞ ꠢꠇꠟ ꠎꠣꠔꠞ ꠚꠟꠞ ꠉꠣꠍ ꠎꠣꠞꠣꠞ ꠘꠤꠎꠞ ꠎꠣꠔꠝꠔ ꠚꠟ ꠗꠞꠦ ꠎꠣꠞ ꠚꠟꠞ ꠝꠣꠎꠦ ꠔꠣꠞꠣꠞ ꠘꠤꠎꠞ ꠛꠤꠌ ꠀꠍꠦ, ꠁꠔꠣ ꠢꠇꠟꠔꠣ ꠀꠝꠤ ꠔꠥꠝꠞꠣꠞ ꠈꠣꠘꠤꠞ ꠟꠣꠉꠤ ꠖꠤꠟꠣꠝ।

ꠄꠞ ꠘꠣꠝ ꠞꠣꠈꠟꠣ ꠖꠤꠘ, ꠀꠞ ꠀꠘ꠆ꠖꠣꠁꠞꠞ ꠘꠣꠝ ꠞꠣꠈꠟꠣ ꠞꠣꠁꠔ। ꠢꠣꠁꠘ꠆ꠎꠣ ꠉꠦꠟ, ꠛꠤꠀꠘꠅ ꠉꠦꠟ, ꠁꠇꠐꠣ ꠅꠁꠟ ꠙꠄꠟꠣ ꠖꠤꠘ।

ꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ, ꠙꠣꠘꠤꠞ ꠝꠣꠎꠦ ꠉꠥꠝ꠆ꠛꠥꠎꠞ ꠟꠣꠈꠣꠘ ꠚꠣꠇ ꠎꠣꠉꠣ ꠅꠃꠇ, ꠀꠞ ꠙꠣꠘꠤ ꠖꠥꠁ ꠜꠣꠉ ꠅꠁꠎꠣꠃꠇ।

ꠖꠥꠘꠤꠀꠞ ꠙꠞꠔꠦꠇ ꠎꠣꠘꠥꠀꠞ, ꠀꠍꠝꠣꠘꠞ ꠙꠣꠈꠤꠘ, ꠝꠣꠐꠤꠞ ꠝꠣꠎꠦ ꠛꠥꠇꠦ ꠌꠟꠞꠣ ꠎꠣꠘꠖꠣꠞ, ꠁꠔꠣ ꠢꠇ꠆ꠇꠟ ꠎꠣꠘꠖꠣꠞꠞ ꠈꠣꠘꠤꠞ ꠟꠣꠉꠤ ꠀꠝꠤ ꠢꠇꠟ ꠟꠔꠣ-ꠙꠣꠔꠣ ꠀꠞ ꠊꠣꠡ ꠖꠤꠟꠣꠝ। ꠅꠃꠟꠣꠃ ꠅꠁꠟ।

ꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ, ꠀꠍꠝꠣꠘꠞ ꠝꠣꠎꠦ ꠅꠃꠟꠣ ꠌꠦꠞꠣꠉ ꠅꠇꠟ ꠅꠃꠇ, ꠎꠣꠞꠣ ꠞꠣꠁꠔ ꠕꠣꠇꠤ ꠖꠤꠘꠞꠦ ꠀꠟꠉꠣ ꠇꠞꠦ। ꠁꠔꠣ ꠀꠟꠉꠣ ꠀꠟꠉꠣ ꠖꠤꠘ, ꠛꠍꠞ ꠀꠞ ꠁꠖ-ꠃꠔꠡꠛꠞ ꠘꠤꠡꠣꠘꠣ ꠅꠁꠛ।

ꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ, ꠎꠝꠤꠘꠅ ꠊꠣꠡ ꠚꠟꠃꠇ; ꠀꠞ ꠢꠇꠟ ꠎꠣꠔꠞ ꠛꠤꠌꠀꠟꠣ ꠟꠔꠣ-ꠙꠣꠔꠣ ꠉꠣꠍ-ꠉꠣꠍꠣꠟꠤꠞ ꠎꠘꠝ ꠅꠃꠇ। ꠀꠞ ꠎꠝꠤꠘꠞ ꠃꠙꠞꠦ ꠢꠇꠟ ꠎꠣꠔꠞ ꠚꠟꠞ ꠉꠣꠍꠅ ꠅꠃꠇ, ꠄꠞꠣ ꠘꠤꠎꠞ ꠎꠣꠔꠝꠔ ꠚꠟ ꠗꠞꠛ ꠀꠞ ꠚꠟꠞ ꠝꠣꠎꠦ ꠎꠣꠞꠎꠤꠞ ꠛꠤꠌꠅ ꠕꠣꠇꠛ। ꠀꠞ ꠅꠃꠟꠣ ꠅꠁꠟ।

ꠀꠞ ꠀꠟ꠆ꠟꠣꠄ ꠚꠣꠇ ꠎꠣꠉꠣ ꠙꠄꠖꠣ ꠇꠞꠤꠀ, ꠔꠟꠞ ꠀꠞ ꠃꠙꠞꠞ ꠙꠣꠘꠤ ꠀꠟꠉꠣ ꠇꠞꠟꠣ। ꠀꠞ ꠅꠃꠟꠣ ꠅꠁꠟ।

ꠎꠝꠤꠘꠅ ꠊꠣꠡ ꠚꠟꠤꠟ, ꠢꠇꠟ ꠎꠣꠔꠞ ꠛꠤꠌꠀꠟꠣ ꠟꠔꠣ-ꠙꠣꠔꠣ ꠉꠣꠍ-ꠛꠤꠞꠤꠇ ꠎꠘꠝꠤꠟ। ꠎꠝꠤꠘꠞ ꠃꠙꠞꠦ ꠢꠇꠟ ꠎꠣꠔꠞ ꠚꠟꠞ ꠉꠣꠍ ꠅꠁꠟ ꠎꠦꠔꠣꠄ ꠎꠣꠞꠎꠤꠞ ꠎꠣꠔꠝꠔ ꠚꠟ ꠗꠞꠦ, ꠢꠤ ꠚꠟꠞ ꠝꠣꠎꠦ ꠎꠣꠞꠎꠤꠞ ꠛꠤꠌꠅ ꠀꠍꠦ। ꠀꠟ꠆ꠟꠣꠄ ꠖꠦꠈꠟꠣ ꠁꠔꠣ ꠜꠣꠟꠣ।

ꠀꠟ꠆ꠟꠣꠄ ꠖꠥꠁꠐꠣ ꠛꠠ ꠌꠦꠞꠣꠉ ꠛꠣꠘꠣꠁꠟꠣ, ꠄꠞꠝꠣꠎꠦ ꠛꠠꠐꠣꠞꠦ ꠖꠤꠘꠞ ꠃꠙꠞꠦ ꠛꠣꠖꠡꠣꠁ ꠇꠞꠣꠞ ꠟꠣꠉꠤ ꠀꠞ ꠢꠥꠞꠥꠐꠣꠞꠦ ꠞꠣꠁꠔꠞ ꠃꠙꠞꠦ। ꠁꠔꠣ ꠍꠣꠠꠣ ꠔꠣꠁꠘ ꠔꠦꠞꠣ ꠅꠇꠟꠅ ꠙꠄꠖꠣ ꠇꠞꠟꠣ।

ꠄꠞꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ, ꠀꠍꠝꠣꠘꠞ ꠔꠟꠞ ꠙꠣꠘꠤ ꠄꠇ ꠎꠣꠉꠣꠔ ꠖꠟꠣ ꠅꠃꠇ, ꠀꠞ ꠢꠥꠇꠘꠣ ꠎꠣꠉꠣ ꠖꠦꠈꠣ ꠎꠣꠃꠇ। ꠀꠞ ꠅꠃꠟꠣ ꠅꠁꠟ। ꠀꠟ꠆ꠟꠣꠄ ꠢꠥꠇꠘꠣ ꠎꠣꠉꠣꠞ ꠘꠣꠝ ꠞꠣꠈꠟꠣ ꠎꠝꠤꠘ ꠀꠞ ꠎꠝꠣꠁꠟ ꠙꠣꠘꠤꠞ ꠘꠣꠝ ꠖꠞꠤꠀ। ꠔꠣꠁꠘ ꠖꠦꠈꠟꠣ ꠁꠔꠣ ꠜꠣꠟꠣ।

ꠔꠣꠁꠘ ꠔꠣꠞꠣ ꠢꠇꠟꠞꠦ ꠅꠃ ꠟꠣꠈꠣꠘ ꠛꠞꠇꠔ ꠘꠣꠎꠤꠟ ꠇꠞꠟꠣ, ꠔꠥꠝꠞꠣ ꠚꠟꠀꠟꠣ ꠅꠁꠀ ꠛꠣꠠꠅ ꠀꠞ ꠖꠞꠤꠀꠞ ꠙꠣꠘꠤ ꠜꠞꠤ ꠎꠣꠅ, ꠖꠥꠘꠤꠀꠁꠞ ꠝꠣꠎꠦ ꠙꠣꠈꠤ ꠅꠇꠟꠅ ꠛꠣꠠꠃꠇ।

ꠄꠞꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ, ꠝꠣꠐꠤ ꠕꠣꠇꠤ ꠅꠃꠟꠣ ꠎꠣꠘꠖꠣꠞ ꠅꠃꠇ ꠎꠣꠞꠣꠞ ꠘꠤꠎꠞ ꠎꠣꠔ ꠅꠇꠟꠞꠦ ꠛꠣꠠꠣꠁꠛ, ꠄꠞꠣꠞ ꠝꠣꠎꠦ ꠙꠣꠟꠣ ꠢꠦꠝꠣꠘ, ꠝꠣꠐꠤꠔ ꠌꠟꠞꠣ ꠢꠥꠞꠥ-ꠝꠥꠞꠥ ꠎꠣꠘꠖꠣꠞ ꠀꠞ ꠎꠋꠟꠤ ꠎꠣꠘꠥꠀꠞ ꠅꠇꠟꠅ। ꠅꠃꠟꠣꠃ ꠅꠁꠟ।

ꠛꠣꠖꠦ ꠀꠟ꠆ꠟꠣꠄ ꠚꠞꠝꠣꠁꠟꠣ, ꠙꠣꠘꠤꠞ ꠝꠣꠎꠦ ꠎꠣꠘꠖꠣꠞ ꠅꠇꠟ ꠙꠣꠟꠦ ꠙꠣꠟꠦ ꠜꠞꠤ ꠎꠣꠃꠇ, ꠀꠞ ꠖꠥꠘꠤꠀꠁꠞ ꠃꠙꠞꠦ ꠀꠍꠝꠣꠘꠞ ꠝꠣꠎꠦ ꠙꠣꠈꠤꠘ ꠃꠠꠃꠇ।

ꠀꠟ꠆ꠟꠣꠄ ꠖꠥꠘꠤꠀꠁꠞ ꠝꠣꠎꠦ ꠢꠇꠟ ꠎꠣꠔꠞ ꠎꠋꠟꠤ ꠎꠣꠘꠥꠀꠞ, ꠙꠣꠟꠣ ꠢꠦꠝꠣꠘ ꠀꠞ ꠝꠣꠐꠤꠞ ꠝꠣꠎꠦ ꠛꠥꠇꠦ ꠌꠟꠞꠣ ꠎꠣꠘꠖꠣꠞ ꠛꠣꠘꠣꠁꠟꠣ। ꠔꠣꠁꠘ ꠖꠦꠈꠟꠣ ꠁꠔꠣ ꠜꠣꠟꠣ।