Popular Bible Verses from ꠁꠘ꠆ꠎꠤꠟ ৮: ২-ꠇꠞꠤꠘ꠆ꠔꠤꠀ 5

Share

ꠇꠦꠃ ꠎꠥꠖꠤ ꠀꠟ-ꠝꠍꠤꠞ ꠔꠞꠤꠇꠣ ꠇꠛꠥꠟ ꠇꠞꠦ, ꠔꠦ ꠢꠦ ꠘꠄꠀ ꠙꠄꠖꠣ ꠅꠁꠟ। ꠔꠣꠞ ꠙꠥꠞꠣꠘ ꠢꠇꠟꠔꠣ ꠚꠥꠍꠤꠀ ꠢꠣꠞꠤ ꠄꠇ꠆ꠇꠦꠞꠦ ꠘꠄꠀ ꠛꠘꠤꠉꠦꠟ।

ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔ ꠇꠥꠘꠥ ꠉꠥꠘꠣ-ꠘꠣꠚꠞꠝꠣꠘꠤ ꠇꠞꠍꠂꠘ ꠘꠣ। ꠅꠁꠟꠦ ꠀꠝꠞꠣ ꠢꠇꠟꠞ ꠉꠥꠘꠣꠞ ꠡꠣꠎꠣ ꠀꠟ꠆ꠟꠣꠄ ꠔꠣꠘ ꠇꠣꠘ꠆ꠖꠅ ꠔꠥꠟꠤ ꠖꠤꠟꠣ, ꠎꠣꠔꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠞ ꠝꠣꠎꠖꠤ ꠀꠟ꠆ꠟꠣꠁ ꠙꠛꠤꠔ꠆ꠞꠔꠣꠄ ꠀꠝꠞꠣ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠅꠁ।

ꠀꠝꠞꠣ ꠔ ꠌꠈꠥꠞ ꠖꠦꠈꠣ ꠇꠥꠘ꠆ꠔꠣꠞ ꠜꠞꠡꠣꠄ ꠌꠟꠤ ꠘꠣ, ꠈꠣꠟꠤ ꠁꠝꠣꠘꠞ ꠛꠟꠦꠃ ꠌꠟꠤ।

ꠁꠔꠣ ꠔ ꠀꠟ꠆ꠟꠣ ꠕꠣꠇꠤꠃ ꠅꠄ। ꠔꠣꠁꠘ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠘ ꠟꠉꠦ ꠀꠝꠞꠣꠞ ꠝꠤꠟꠘ ꠊꠐꠣꠁꠍꠂꠘ, ꠀꠞ ꠀꠝꠞꠣꠞꠦ ꠅꠃ ꠈꠦꠎꠝꠔꠞ ꠖꠣꠄꠁꠔ꠆ꠔ ꠖꠤꠍꠂꠘ, ꠛꠣꠖ-ꠛꠣꠇꠤ ꠢꠇꠟ ꠝꠣꠘꠡꠞꠦ ꠔꠣꠘ ꠟꠉꠦ ꠝꠤꠟꠣꠁ ꠖꠤꠔꠣꠝ। ꠄꠞ ꠝꠣꠘꠤ ꠅꠁꠟ, ꠀꠟ꠆ꠟꠣꠄ ꠝꠣꠘꠡꠞ ꠉꠥꠘꠣꠞ ꠛꠣꠄ ꠘꠣ ꠌꠣꠁꠀ, ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠔꠣꠘ ꠟꠉꠦ ꠝꠣꠘꠡꠞ ꠝꠤꠟꠘ ꠊꠐꠣꠁꠍꠂꠘ। ꠀꠞ ꠅꠃ ꠝꠤꠟꠘꠞ ꠈꠥꠡ-ꠈꠛꠞꠤ ꠔꠛꠟꠤꠉꠞ ꠖꠣꠄꠁꠔ꠆ꠔ ꠀꠝꠞꠣꠞꠦ ꠖꠤꠍꠂꠘ।

ꠄꠞꠟꠣꠉꠤꠃ ꠀꠝꠞꠣ ꠀꠟ-ꠝꠍꠤꠞ ꠘꠣꠁꠛ ꠢꠤꠡꠣꠛꠦ ꠔꠣꠘ ꠙꠇ꠆ꠇꠦ ꠝꠣꠔꠤꠞꠣꠝ। ꠀꠍꠟꠦ ꠀꠟ꠆ꠟꠣꠄꠃ ꠀꠝꠞꠣꠞ ꠝꠣꠎꠖꠤ ꠝꠣꠘꠡꠞꠦ ꠝꠤꠘꠔꠤ ꠇꠞꠞꠣ। ꠀꠞ ꠀꠟ-ꠝꠍꠤꠞ ꠙꠇ꠆ꠇꠦ ꠀꠝꠞꠣꠅ ꠝꠤꠘꠔ ꠇꠞꠞꠣꠝ, ꠔꠥꠝꠞꠣ ꠀꠟ꠆ꠟꠣꠞ ꠟꠉꠦ ꠝꠤꠟꠤꠔ ꠅꠅ।

ꠔꠣꠁꠘ ꠢꠇꠟꠞ ꠟꠣꠉꠤ ꠝꠣꠞꠣ ꠉꠦꠍꠟꠣ, ꠎꠣꠔꠦ ꠎꠦꠞꠣ ꠎꠤꠘ꠆ꠖꠣ ꠀꠍꠂꠘ, ꠔꠣꠞꠣ ꠎꠣꠘꠥ ꠀꠞ ꠘꠤꠎꠞ ꠟꠣꠉꠤ ꠘꠣ ꠛꠣꠌꠂꠘ। ꠛꠞꠋ ꠔꠣꠞꠣꠞ ꠟꠣꠉꠤ ꠎꠦꠁꠘ ꠝꠣꠞꠣ ꠉꠦꠍꠟꠣ ꠀꠞ ꠢꠤꠞꠛꠣꠞ ꠎꠤꠘ꠆ꠖꠣ ꠅꠁꠍꠟꠣ, ꠔꠣꠘ ꠟꠣꠉꠤꠃ ꠔꠣꠞꠣ ꠛꠣꠌꠂꠘ। ꠄꠞꠟꠣꠉꠤ ꠅꠈꠘ ꠕꠣꠇꠤ ꠀꠝꠞꠣ ꠀꠞ ꠝꠣꠘꠡꠞ ꠛꠣꠁꠞꠞ ꠍꠥꠞꠔ ꠖꠦꠈꠤꠀ ꠛꠤꠌꠣꠞ ꠇꠞꠤ ꠘꠣ। ꠀꠝꠞꠣ ꠔ ꠀꠉꠦ ꠀꠟ-ꠝꠍꠤꠞꠦ ꠅꠟꠣꠈꠣꠘ ꠝꠘꠅ ꠇꠞꠍꠟꠣꠝ, ꠅꠁꠟꠦ ꠅꠈꠘ ꠀꠞ ꠁꠟꠣ ꠇꠞꠤ ꠘꠣ।

ꠀꠟ-ꠝꠍꠤꠞ ꠝꠢꠛ꠆ꠛꠔꠦ ꠀꠝꠞꠣꠞꠦ ꠙꠥꠡ ꠝꠣꠘꠣꠁꠀ ꠌꠣꠟꠣꠄ। ꠀꠝꠞꠣ ꠘꠤꠌ꠆ꠌꠤꠔ ꠛꠥꠎꠍꠤ, ꠢꠇꠟꠞ ꠔꠞꠚ ꠕꠣꠇꠤ ꠄꠇꠎꠘꠞ ꠝꠃꠔ ꠅꠁꠍꠤꠟ, ꠄꠞꠟꠣꠉꠤ ꠢꠇꠟꠞꠃ ꠝꠃꠔ ꠅꠁꠍꠦ।