Popular Bible Verses from ꠁꠘ꠆ꠎꠤꠟ ৮: ২-ꠇꠞꠤꠘ꠆ꠔꠤꠀ 4

Share

ꠌꠃꠈꠖꠤ ꠎꠦꠔꠣ ꠖꠦꠈꠣ ꠎꠣꠄ, ꠀꠝꠞꠣ ꠔ ꠁꠔꠣꠞ ꠛꠣꠄ ꠌꠣꠁꠞꠣꠝ ꠘꠣ, ꠛꠞꠋ ꠎꠦꠔꠣ ꠖꠦꠈꠣ ꠎꠣꠄ ꠘꠣ, ꠅꠔꠣꠞ ꠛꠣꠄ ꠌꠣꠁꠞꠣꠝ। ꠌꠃꠈꠦ ꠎꠦꠔꠣ ꠖꠦꠈꠣ ꠎꠣꠄ, ꠁꠔꠣ ꠔ ꠕꠥꠠꠣ ꠇꠄꠖꠤꠘꠞ, ꠅꠁꠟꠦ ꠎꠦꠔꠣ ꠖꠦꠈꠣ ꠎꠣꠄ ꠘꠣ, ꠁꠔꠣ ꠌꠤꠞꠇꠣꠟꠞ।

ꠄꠞꠟꠣꠉꠤ ꠀꠝꠞꠣ ꠘꠤꠞꠣꠡ ꠅꠁ ꠘꠣ। ꠎꠥꠖꠤꠅ ꠀꠝꠞꠣꠞ ꠞꠇ꠆ꠔ-ꠝꠣꠋꠡꠞ ꠡꠞꠤꠟ ꠇ꠆ꠇꠄ ꠅꠁꠎꠣꠞ, ꠔꠦꠛꠃ ꠀꠝꠞꠣꠞ ꠞꠥꠢꠥ ꠖꠤꠘ ꠖꠤꠘ ꠔꠣꠎꠣ ꠅꠁꠀ ꠃꠑꠦꠞ। ꠅꠈꠘ ꠀꠝꠞꠣ ꠎꠦ ꠇꠄꠖꠤꠘꠞ ꠟꠣꠉꠤ ꠡꠣꠝꠣꠁꠘ꠆ꠘ ꠇꠡ꠆ꠐ ꠇꠞꠤꠀꠞ, ꠁ ꠇꠡ꠆ꠐꠞ ꠛꠖꠟꠣ ꠀꠝꠞꠣ ꠌꠤꠞꠇꠣꠟꠞ ꠟꠣꠉꠤ ꠅꠚꠥꠞꠘ꠆ꠔ ꠡꠣꠘ-ꠝꠢꠤꠝꠣ ꠟꠣꠜ ꠇꠞꠝꠥ।

ꠢꠇꠟꠛꠣꠄ ꠕꠣꠇꠤ ꠀꠝꠞꠣꠞ ꠃꠙꠞꠦ ꠛꠃꠔ ꠟꠣꠈꠣꠘ ꠌꠣꠙ ꠀꠁꠟꠦꠅ, ꠀꠝꠞꠣ ꠌꠥꠞꠝꠣꠞ ꠅꠁꠍꠤ ꠘꠣ। ꠀꠝꠞꠣ ꠛꠦꠖꠤꠡꠣ ꠟꠣꠉꠟꠦꠅ ꠙꠥꠞꠣꠙꠥꠞ ꠘꠤꠞꠣꠡ ꠅꠁꠍꠤ ꠘꠣ। ꠀꠝꠞꠣꠞ ꠃꠙꠞꠦ ꠎꠥꠟꠥꠝ ꠇꠞꠣ ꠅꠁꠟꠦꠅ ꠀꠟ꠆ꠟꠣꠄ ꠔ ꠀꠝꠞꠣꠞ ꠟꠉ ꠍꠣꠠꠍꠂꠘ ꠘꠣ। ꠝꠣꠐꠤꠔ ꠚꠣꠟꠣꠁꠀ ꠀꠍꠣꠠꠟꠦꠅ ꠀꠝꠞꠣ ꠛꠤꠘꠣꠡ ꠅꠁꠍꠤ ꠘꠣ।

ꠀꠟ꠆ꠟꠣꠁ ꠅꠃ ꠘꠥꠞꠞ ꠗꠘ ꠔ ꠝꠣꠐꠤꠞ ꠛꠣꠡꠘꠅ ꠞꠣꠈꠣ ꠅꠁꠍꠦ, ꠅꠃ ꠛꠣꠡꠘ ꠅꠁꠟꠣꠝ ꠀꠝꠞꠣꠃ। ꠝꠣꠐꠤꠞ ꠛꠣꠡꠘꠅ ꠞꠣꠈꠣ ꠅꠁꠍꠦ, ꠎꠣꠔꠦ ꠝꠣꠘꠡꠦ ꠛꠥꠎꠔ ꠙꠣꠞꠦ ꠅꠃ ꠇꠥꠖꠞꠔꠤ ꠝꠢꠣꠡꠇ꠆ꠔꠤ ꠀꠝꠞꠣꠞ ꠘꠤꠎꠞ ꠉꠦꠍ ꠕꠣꠇꠤ ꠀꠁꠍꠦ ꠘꠣ, ꠛꠞꠋ ꠀꠟ꠆ꠟꠣꠞ ꠉꠦꠍ ꠕꠣꠇꠤꠃ ꠀꠁꠍꠦ।

ꠅꠃ ꠎꠉꠔꠞ ꠖꠦꠛꠔꠣ ꠁꠛꠟꠤꠍꠦ ꠅ-ꠁꠝꠣꠘꠖꠣꠞ ꠅꠇꠟꠞ ꠖꠤꠟꠞꠦ ꠀꠘ꠆ꠖꠣ ꠛꠣꠘꠣꠁꠟꠤꠍꠦ, ꠎꠣꠔꠦ ꠔꠣꠞꠣ ꠈꠥꠡ-ꠈꠛꠞꠤꠞ ꠘꠥꠞ ꠘꠣ ꠖꠦꠈꠦ। ꠅꠃ ꠈꠥꠡ-ꠈꠛꠞꠤꠞ ꠝꠣꠎꠖꠤ ꠀꠟ-ꠝꠍꠤꠞ ꠉꠃꠞꠛ ꠎꠣꠁꠞ ꠅꠁꠍꠦ, ꠀꠞ ꠅꠃ ꠀꠟ-ꠝꠍꠤꠃ ꠅꠁꠟꠣ ꠀꠟ꠆ꠟꠣꠞ ꠅꠛꠤꠇꠟ ꠍꠥꠞꠔ।

ꠀꠝꠞꠣ ꠁꠔꠣ ꠔꠛꠟꠤꠉ ꠇꠞꠞꠣꠝ, ꠇꠣꠞꠘ ꠎꠦ ꠀꠟ꠆ꠟꠣꠄ ꠇꠁꠍꠂꠘ, “ꠀꠘ꠆ꠖꠣꠁꠞ ꠕꠣꠇꠤ ꠚꠞ ꠅꠃꠇ,” ꠢꠃ ꠀꠟ꠆ꠟꠣ ꠙꠣꠇꠦ ꠔꠣꠘ ꠘꠥꠞ ꠀꠝꠞꠣꠞ ꠖꠤꠟꠅ ꠎꠣꠟꠣꠁꠍꠂꠘ, ꠎꠣꠔꠦ ꠀꠟ-ꠝꠍꠤꠞ ꠌꠦꠢꠣꠞꠣꠞ ꠝꠣꠎꠦ ꠀꠟ꠆ꠟꠣꠞ ꠘꠥꠞꠞ ꠝꠢꠤꠝꠣ ꠎꠣꠁꠞ ꠅꠄ।