Popular Bible Verses from Ephesuis 4

Share

Agus bithibh caoimhneil iochdor ri cheile, a mathadh do gach a cheile, mar a mhath Dia dhuibh fhein ann an Criosta.

Leis a h-uile irioslachd agus ciuineachd, le faighidin, a cur suas ri gach a cheile an carrantachd

Na tigeadh droch cainnt idir a mach as ur bial: ach na tha math gu leasachadh creidimh, chum grasan a thoirt do ʼn luchd-eisdeachd.

Biodh a h-uile seirbhe, agus fearg, agus corruich, agus gleadhraich, agus blais-bheum air am fuadach fada bhuaibh maille ris a h-uile gamhlas.

Gabhaibh fearg, ʼs na peacaichibh: na laidheadh a ghrian air ur feirg. Na tugaibh aite do ʼn aibhistear

Sibh a chur dhibh an t-seann duine, a tha, a reir ur ciad chaithe-beatha, air a thruailleadh le dheidh air mearachd. Agus bithibh air ur n-urachadh ann an spiorad ur n-inntinn, Us cuiribh oirbh an duine ùr, a tha air a chruthachadh a reir Dhe ann an ceartas, agus ann an naomhachd na firinne.

A gleidheadh gu curamach aonachd an Spioraid ann an ceangal na sithe.

Agus thug e cuid gu dearbh ʼnan ostail, us cuid ʼnam faidhean, ach cuid eile ʼnan soisgeulaich, agus cuid eile ʼnam buachaillean ʼs ʼnan ollamhan, Gus na naoimh a dhianamh coimhlionta gu obair an fhrithealaidh, gu corp Chriosta thogail suas: Gus an coinnich sinn uile ann an aonachd creidimh agus eolas Mhic Dhe, gu duine coimhlionta, gu tomhas aois lanachd Chriosta

Gus nach bi sinn a nis tuille ʼnar cloinn air ar luasgadh a null ʼsa nall, ʼs air ar n-iomain mu ʼn cuairt leis a h-uile gaoith teagaisg le droch-bheart dhaoine, le seoltachd chealgaich a gabhail fàth gu mealladh. Ach a cur firinn an gniomh ann an carrantachd, gum fàs sinn suas anns a h-uile ni annsan, agus is e an ceann, Criosta